މަޖިލީހުގެ ޖަލްސާތައް އަލުން މިފަށަނީ އެއް މަސް ދުވަހުގެ ޗުއްޓީއަކަށް ފަހު އެވެ. މަޖިލީހުގެ ޖަލްސާއެއް އެންމެ ފަހުން ބާއްވާފައިވަނީ މިދިޔަ އޮގަސްޓް މަހުގެ 26 ވަނަ ދުވަހު އެވެ.
އަންނަ ހޯމަ ދުވަހުގެ ޖަލްސާއަށް ކުށްކޮށްގެން ހޯދާ މުދަލާ ގުޅޭ ބިލުގެ ބަހުސް ވަނި އެޖެންޑާކޮށްފަ އެވެ. މީގެއިތުރުން މީރާއަށް ޑެޕިއުޓީ ކޮމިޝަނަރު ޖެނެރަލް އޮފް ޓެކްސޭޝަންގެ މަޤާމަށް ބޭފުޅަކު އައްޔަން ކުރުމަށް ރައީސުލްޖުމްހޫރިއްޔާ ފޮނުއްވާފައިވާ މައްސަލަ އާއި "މައްކަތުލް މުކައްރަމާ ކޮންވެންޝަން އޮފް ދަ މެންބަރު ސްޓޭޓްސް އޮފް ދަ އޯގަނައިޒޭޝަން އޮފް އިސްލާމިކް ކޯޕަރޭޝަން އޮން އެންޓި-ކޮރަޕްޝަން ލޯ އެންފޯސްމަންޓް ކޯޕަރޭޝަން" މުއާހަދާގައި ބައިވެރިވުމާ ގުޅޭގޮތުން މަޖިލީހުގެ ރުހުން ހޯދުމަށް ރައީސުލްޖުމްހޫރިއްޔާ ފޮނުއްވާފައިވާ މައްސަލަވެސް ވަނީ އަންނަ ހޯމަދުވަހުގެ ޖަލްސާއަށް އެޖެންޑާކޮށްފަ އެވެ.
ރައްޔިތުންގެ މަޖިލީހުގެ ގަވާއިދު ބަޔާންކުރާ ގޮތުގައި ކޮންމެ އަހަރަކު ވެސް މަޖިލީހުގެ އާންމު ޖަލްސާތައް ބާއްވަނީ ތިން ދައުރަކަށް ބަހާލައިގެންނެވެ. އަންނަ ހޯމަ ދުވަހު ފެށެނީ މިއަހަރުގެ ފަހު ދައުރުގެ ޖަލްސާތަކެވެ.
