މިނިސްޓާރު މިހެން ވިދާޅުވީ ވިދާޅުވީ މޯލްޑިވްސް އިންލޭންޑް ރެވެނިއު އޮތޯރިޓީ (މީރާ) އިން އެމް.ޖީ.އައި.އެސް ތައާރަފުކުރުމަށް ބޭއްވި ރަސްމިއްޔާތު ވާހަކަފުޅު ދައްކަވަމުންނެވެ.
އެމް.ޖީ.އައި.އެސް އަކީ ރާއްޖެއަށް ޒިޔާރަތްކުރާ ފަތުރުވެރިންގެ މަޢުލޫމާތު އެއްވިއުގައަކުން ގުޅާލާ، ދައުލަތުގެ މާލީ އިދާރާތަކާ ސީދާ ގުޅުވައިދޭ މަރުކަޒީ ނިޒާމެކެވެ.
ފަތުރުވެރިކަމަކީ ރާއްޖޭގެ އިގްތިސާދުގެ މައި ސިނާއަތަށް ވުމާއެކު، މި ދާއިރާގެ މަޢުލޫމާތަކީ ސަރުކާރާއި ދައުލަތުގެ ގިނަ އިދާރާތަކަކުން ބޭނުންކުރާ މަޢުލޫމާތެކެއްކަމަށް މިނިސްޓަރު ޒަރޫރު ވިދަޅުވި އެވެ. އެހެންކަމުން މިސިސްޓަމްގެ ސަބަބުން މި މައުލޫމާތުތައް ބަލަހައްޓާ ދައުލަތުގެ ކަމާބެހޭ މުއައްސަސާތަކުން ކުރާ މަސައްކަތްތަކަށް ބޮޑު ލުޔެއް ލިބިގެންދާނެކަމަށް ޒަރީރު ވިދާޅުވި އެވެ.
މިނިސްޓަރު ވިދާޅުވީ މި ސިސްޓަމް ތައާރަފުކުރުމަކީ ޒަމާނީ ޓެކްނޮލޮޖީގެ އެހީގައި ދައުލަތް ހިންގުން ހަރުދަނާކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންގުޅުއްވާ މޯލްޑިވްސް 2.0 ގެ ޑިޖިޓަލް ތަސައްވުރުގެ ދަށުން ހާސިލުކުރެވުނު މުހިންމު ލަނޑުދަނޑިއެއް ކަމަށެވެ. މީގެ އިތުރުން މީރާގެ ޑިޖިޓަލް ޓްރާންސްފޯމޭޝަން ރޯޑްމެޕްގައި ހިމެނޭ ރިޕޯޓިން އޮޓޮމޭޓްކުރުމުގެ ލަނޑުދަނޑި ހާސިލުކުރުމަށް އެމް.ޖީ.އައި.އެސް އަކީ ލިބުނު ބޮޑު ކުރިއެރުމެއްކަމަށާއި މި ސިސްޓަމްގެ ސަބަބުން މީރާގެ މަސައްކަތްތަކަށްވެސް ކުރިއެރުންތައް އަންނަތަން ފެނިގެންދާނެކަމަށް މިނިސްޓާރު ޒަރީރު ވިދާޅުވި އެވެ.
މި ސިސްޓަމްގެ ސަބަބުން ފަތުރުވެރިކަމުގެ ދާއިރާގައި ހަރަކާތްތެރިވާ ވިޔަފާރިތަކަށް ބޮޑެތި ފައިދާތަކެއް ކުރާނެ ކަމަށްވެސް މިނިސްޓަރު ވިދާޅުވި އެވެ. ހާއްސަކޮށް އަމިއްލަ ޕްރޮޕަޓީ މެނޭޖްމަންޓް ސިސްޓަމްއެއް ނެތް ގެސްޓްހައުސްތަކާއި ވިޔަފާރިތަކަށް، ފަތުރުވެރިންގެ މަޢުލޫމާތު ބެލެހެއްޓުމަށް މި ފުރިހަމަ ޕްލެޓްފޯމަކީ ބޮޑު އެހީއަކަށް ވާނެ ކަމަށް މިނިސްޓާރު ވިދާޅުވި އެވެ.
