އެވޯން އަކީ، މިދިޔަ އަހަރު ނަހުލާ ގެނެސްދިން ކާމިޔާބު ފިލްމު "ސޮރީ" ގެ ވެސް މެއިން ސްޕޮންސަރެވެ.
މިފަހަރު އެވޯން އިން ވަނީ ފިލްމު ބަލަންދާ ފަރާތްތަކަށް ހާއްސަ އަގުހުރި އިނާމެއް ހުށަހަޅާފައެވެ. އެގޮތުން، "މަޖުނޫން" ފިލްމު ބެލުމަށް ޓިކެޓު ބައްލަވައިގަންނަވާ ފަރާތްތަކުގެ މެދުގައި ނެގޭ ހާއްސަ ގުރުއަތަކުން ހޮވޭ ނަސީބުވެރިއަކަށް ކްއީން ސައިޒުގެ އެނދެއް ގޮދަޑިއާއެކު ދިނުމަށް އެވޯން އިން ވަނީ ނިންމާފަ އެވެ.
މި ލަކީޑްރޯ ނެގުމަށް ހަމަޖެހިފައިވަނީ ފިލްމު ބެލުމަށް ޓިކެޓު ބައްލަވައިގަންނަވާ ހުރިހާ ފަރާތްތަކުގެ މެދުގަ އެވެ.
އެގޮތުން މާލެ ސަރަހައްދާއި އަތޮޅުތެރެ ހިމެނޭހެން، ފިލްމުގެ ޓިކެޓު ނަގާ ކޮންމެ މީހަކަށްވެސް މި ގުރުއަތުގައި ބައިވެރިވުމުގެ ފުރުސަތު ލިބިގެންދާނެ އެވެ.
ލޯބީގެ ވަރަށް ތަފާތު ވާހަކައެެއް ކިޔައިދޭނެ "މަޖުނޫނު" އޮލިމްޕަގުގައި ޕްރީމިއާ ކުރަން ހަމަޖެހިފައި ވަނީ އަންނަ މަހުގެ 26 ގަ އެވެ.
މިއީ ނަހުލާ، ލިޔެ، ޑައިރެޓްކޮށް އޭނަގެ އާއިލީ ފިލްމު ކުންފުނި، ކްރިސްޓަލް އެންޓަޓައިންމަންޓުން ގެނެސްދޭ ފިލްމެކެވެ.
ދިވެހި ފިލްމުތަކަށް ލޯބިކުރާ މީހުން މި އަހަރު އެންމެ އިންތިޒާރުކުރާ އެއް ފިލްމުގެ ގޮތުގައި ފާހަގަކޮށްލެވޭ 'މަޖުނޫނު' ގެ ލީޑް ކާސްޓުންނަކީ އަހުމަދު ޝާރިފާއި މަރިޔަމް ޝިފާ އެވެ.
މި ފިލްމު ލީޑް ކާސްޓުންގެ ގޮތުގައި އަދި އިއުލާނުކޮށްފައިވަނީ ނަހުލާ އެންމެ ފަހުން ނެރުން ފިލްމު "ސޮރީ" އިން ގިނަ ބައެއްގެ ސަމާލުކަން ހޯދި ލާލި އާއި އެވްލީ ގެ އިތުރުން ލީޑް އެކްޓްރެސް އެއްގެ ގޮތުގައި ފެނިގެންދާ ޝިފާ އަދި ލީޑް އެކްޓަރެއްގެ ގޮތުގައި ފެނިގެންދާ ޝާރިފްގެ ނަމެވެ.
