އަމީން މިފަދައިން ވިދާޅުވިއިރު، ސަރުކާރުގެ ބައިވެރިވުން ނެތި ކުންފުނިތައް ރެގިއުލޭޓްކޮށް ހިންގޭނެ އޮނިގަނޑެއް ގާނޫނު އަސާސީގައި ކަނޑައެޅުމަށް "އެދޭ ރާއްޖެ" ހަރަކާތުން ވަނީ ގޮވާލައިފަ އެވެ.
"އެދޭ ރާއްޖޭ"ގެ ހުށަހެޅުން:
ސަރުކާރުގެ ބައިވެރިވުން ނެތި ކުންފުނިތައް ރެގިއުލޭޓްކޮށް ހިންގޭނެ އޮނިގަނޑެއް ގާނޫނު އަސާސީގައި ކަނޑައެޅުމަށް
ނަތީޖާ:
ދައުލަތުގެ ބޭނުމަށް ވުރެ ރައީސްގެ އަމިއްލަ މަސްހަލަތާއި މަންފާއަށް ކުންފުނިތަކުން ކުރަމުންގެންދާ ހޭދަ ނިމުކަށް ގެނެސް ދައުލަތުގެ ކުންފުނިތައް ރެގިއުލޭޓްކޮށް ހިންގުން ހަރުދަނާވުން
މޯލްޑިވިއަންގެ އާ ސީޕްލޭން ޓާމިނަލް ހުޅުވަން ބޭއްވި ރަސްމިއްޔާތުގައި މިނިސްޓަރު އިއްޔެ ވިދާޅުވީ 2018 އިން ފެށިގެން 2023 އާ ހަމައަށް އައި އިރު އެކުންފުނި އޮތީ ވަރަށް ބޮޑު ދަރަންޏެއްގެ ތެރެއަށް ވެއްޓިފައި ކަމަށެވެ. މާލީ އެ މައްސަލަތަކާ ހެދި މުޅި ސީޕްލޭން އޮޕަރޭޝަންސް ހުއްޓުމަކަށް އައިސް، އޭރު ހިދުމަތް ދެމުން އައި ކޮންޓްރެކްޓްތައް ގެއްލި، ކުންފުނި އޮތީ ވަރަށް ބޮޑަށް ބަލިކަށިވެފައި ކަަމަށް ވެސް އޭނާ ވިދާޅުވި އެވެ.
އެހެންވެ 2023 ގައި މޯލްޑިވިއަންގެ މެނޭޖްމަންޓަށާއި ހިންގުމަށް ބޮޑެތި ބަދަލު ގެންނަން ޖެހުނު ކަމަށާއި އޭގެ ސަބަބުން އެ ކުންފުނި މިހާރު އޮތީ ވަރަށް ބޮޑަށް ބަދަލުވެފައި ކަމަށް ވެސް މިނިސްޓަރު ވިދާޅުވި އެވެ.
މިނިސްޓަރު ވިދާޅުވި ގޮތުގައި މޯލްޑިވިއަން އަށް ކުރިމަތިވި މާލީ މައްސަލަތަކުން އެ ފެންނީ އެއާލައިން އޮޕަރޭޓްކުރާ ކުންފުންޏަކުން އެ ކުންފުނީގެ ޒިންމާ ރަނގަޅަށް އަދާނުކޮށްފި ނަމަ އެ ކުންފުންޏެއް މާ ގިނަ ދުވަހެއް ނުވެ ބަނގޫޓުވެދާނެކަމެވެ.
މޯލްޑިވިއަން ހިންގާ އައިލެންޑް އޭވިއޭޝަން ސާވިސަސްއަށް ވޭތުވެދިޔަ އަހަރުތަކުގައި ބޮޑެތި މާލީ ގެއްލުންތަކެއް ލިބިފައިވެ އެވެ. ދެހާސް ސައުވީހުގައި އެ ކުންފުންޏަށް 2.82 މިލިއަން ރުފިޔާގެ ގެއްލުން ލިބުނުއިރު، އެއީ އެ ކުންފުންޏަށް ޖެހިޖެހިގެން ގެއްލުމާ ކުރިމަތިލާން ޖެހުނު ފަސް ވަނަ އަހަރެވެ.
