"އޮޑިން ރަށަށް" އަކީ ސްވިމް މޯލްޑިވްސް އިން މުޅިން އަލަށް ތަފާތު ގޮތަކަށް ބާއްވާ ފެތުމުގެ މުބާރާތެކެވެ.
"އެސްއެމްއީ ޑިޖިޓަލް އޮޑިން ރަށަށް" ފުރަތަމަ އިވެންޓް ބޭއްވުމަށް ހަމަޖެހިފައިވަނީ އަންނަ ހޮނިހިރު ދުވަހު ވިލިމާލޭގައި އެވެ. މި މުބާރާތުގައި 100 ފެތުންތެރިން ވާދަކުރުމަށް ހަމަޖެހިފައިވެއެވެ.
ސްވިމް މޯލްޑިވްސް އިން ބާއްވާ އޮޑިން ރަށަށް ފެތުމުގެ މުބާރާތްތަކަކީ ފެތުމުގެ އިވެންޓްތަކެއް ރާއްޖޭގެ އެކި ކަންކޮޅުތަކުގައި އިންތިޒާމްކޮށް ފެތުންތެރިންނަށް މުޅި އަހަރުތެރޭ ވާދަވެރިކަމާއެކު ބައިވެރިވެވޭ ފުރުސަތު ހޯދައި ދިނުމުގެ މަގުސަދުގައި ބާއްވާ މުބާރާތެކެވެ. މި އަހަރުގެ ކިކް އޯފްއަށް ފަހު، އަންނަ އަހަރު ރާއްޖޭގެ ފަސް ރަށެއްގައި މި މުބާރާތް ބޭއްވުމަށް ވަނީ ހަމަޖެހިފަ އެވެ.
މީގެ އިތުރުން، މިއަހަރު ނިމުމުގެ ކުރިން "އެސްއެމްއީ ޑިޖިޓަލް އޮޑިން ރަށަށް" ދެވަނަ އިވެންޓެއް ސްވިމް މޯލްޑިވްސް އިން އިންތިޒާމްކުރުމަށްވެސް ވަނީ ހަމަޖެހިފަ އެވެ.
