ލީސާއަށް މި ޝަރަފުވެރި އެވޯޑު ލިބުނީ އޭނާގެ ސޯލޯ އަލްބަމް "އޯލްޓާ އީގޯ" ގައި ހިމެނޭ މަގުބޫލު ލަވަ "ޑްރީމް" އަށެވެ.
އެވޯޑާ ހަވާލުވުމަށް ފަހު ވާހަކަދައްކަމުން ލީސާ ބުނީ، މިއަދު މި ހިސާބަށް އާދެވުނީ އެތައް ރެއަކު ދުއް ހުވަފެންތަކުގެ ސަބަބުން ކަމަށާއި، މި ލަވަ އުފެއްދުމުގައި ބައިވެރިވި ހުރިހާ ފަރާތްތަކުން ލިބުނު ހިތްވަރަށް ޝުކުރުއަދާކުރާ ކަމަށެވެ. އަދި އޭނާގެ ފޭނުން ކަމަށްވާ "ލިލީސް" ގެ ފަރާތުން ލިބޭ މެދުކެނޑުމެއް ނެތް ސަޕޯޓަށް ވެސް ހާއްސަ ޝުކުރެއް ރައްދުކުރިއެވެ.
މިއަހަރުގެ އެމްޓީވީ ވީއެމްއޭގައި ކޭ-ޕޮޕް އާޓިސްޓުންގެ ތެރެއިން އެންމެ ގިނަ ނޮމިނޭޝަން ހޯދި ތަރިއަކީ ވެސް ލީސާއެވެ. އެގޮތުން "ޑްރީމް" ވަނީ ބެސްޓް ޕޮޕް އެވޯޑުގެ އިތުރުން ބެސްޓް ސިނަމަޓޮގްރަފީ، ބެސްޓް އެޑިޓިން އަދި ބެސްޓް ކޭ-ޕޮޕް ކެޓަގަރީއަށް ވެސް ނޮމިނޭޓްވެފަ އެވެ.
އެވޯޑު ހާސިލުކުރުމުގެ އުފަލުގެ އިތުރުން، މި ހަފްލާގެ ސްޓޭޖުގައި ލީސާ ވަނީ އޭނާގެ ކުރިއަށް އޮތް އީޕީ "ޕްރެސް ޕްލޭ" ގެ ޕްރީ-ރިލީޒް ލަވަ ކަމަށްވާ "ސަވަދިކާ" ފުރަތަމަ ފަހަރަށް ލައިވްކޮށް ހުށަހަޅައިދީ، ބެލުންތެރިން ހައިރާންކޮށްލާފަ އެވެ. މި އާ އީޕީ ރަސްމީކޮށް ނެރުމަށް ހަމަޖެހިފައިވަނީ އަންނަ އޮކްޓޯބަރު މަހުގެ 23 ވަނަ ދުވަހު އެވެ.
