މިއީ އެ ސަރަހައްދުގައި ގަވާއިދާ ޚިލާފަށް ފަތުރުވެރިންނަށް ތަންތަން ކުއްޔަށްދިނުމުގެ މައްސަލަ ހުއްޓުވުމަށްޓަކައި ކަމާބެހޭ އޮތޯރިޓީތަކުން އަޅާފައިވާ ވަރުގަދަ ފިޔަވަޅެކެވެ.
ކަމާބެހޭ ފަރާތްތަކުން ހާމަކުރި ގޮތުގައި މި ފިޔަވަޅުތައް އަޅަންޖެހުނު މައިގަނޑު އެއް ސަބަބަކީ އެ ސަރަހައްދުގައި ދިރިއުޅޭ އާންމު ރައްޔިތުންނަށް ދިރިއުޅޭނެ ބޯހިޔާވަހިކަން ފޯރުކޮށްދިނުމާއި، ރައްޔިތުންނަށް ކުއްޔަށްލިބެން ހުރި ގޭގޭގެ އަދަދު އިތުރުކުރުމެވެ. ގަވާއިދާ ހިލާފަށް ފަތުރުވެރިންނަށް ތަންތަން ކުއްޔަށްދިނުން އާންމުވުމުގެ ސަބަބުން، އާންމު ރައްޔިތުންނަށް ދިރިއުޅެން ކުއްޔަށްލިބެން ހުރި ގޭގޭގެ އަދަދު ވަނީ ވަރަށް ބޮޑަށް ދަށްވެފަ އެވެ.
އޭގެ އިތުރުން، މި ފިޔަވަޅުތަކަކީ އެ ސަރަހައްދަށް ފަތުރުވެރިން އިންތިހާއަށް އިތުރުވެ، އޯވަރޓޫރިޒަމްގެ މައްސަލަ ބޮޑުވަމުންދާތީ އެކަމާ ދެކޮޅަށް ކުރެވޭ މަސައްކަތްތަކުގެ ބައެކެވެ. ފަތުރުވެރިން އިންތިހާއަށް އިތުރުވުމުގެ ސަބަބުން ކުރިމަތިވާ ގޮންޖެހުންތަކުން ސަލާމަތްވުމަށް އޮތޯރިޓީތަކުން ދަނީ ހާއްސަ ފިޔަވަޅުތަކެއް އަޅަމުންނެވެ.
ކަމާބެހޭ އޮތޯރިޓީތަކުން ހިންގި މި ބޮޑު އޮޕަރޭޝަނުގެ ސަބަބުން ގަވާއިދާ ހިލާފަށް ފަތުރުވެރިންނަށް ތަންތަން ކުއްޔަށްދިނުން ހުއްޓުވައި، އާންމު ރައްޔިތުންނަށް ބޯހިޔާވަހިކަން ލިބުމުގެ ފުރުސަތުތައް ފުޅާވެގެންދާނެ ކަމަށް އޮތޯރިޓީތަކުން ބުނެއެވެ.
