މިއަދު މެންދުރުފަހު، މި ބައްދަލުވުން އޮތީ ސޯލިހްގެ އޮފީސް ހުންނަ ސޯލްޓް ކެފޭ ހިންގާ އިމާރާތުގަ އެވެ. ގާތްގަނގަކަށް ދޮޅު ގަޑިއިރަށް މި ބައްދަލުވުން ދިގު ދެމިގެން ދިޔަ އެވެ.
ސޯލިހުގެ ރަސްމީ އޮފީހަށް ވަޑައިގެން މަޝްވަރާ ކުރެއްވި ނަމަވެސް އޭގެ ތަފުސީލެއް ފައިސަލްގެ ފަރާތްޕުޅުން އަދި ނުދެއްވަ އެވެ.
އެމްޑީޕީގެ ރިޔާސީ ޕްރައިމަރީގައި ވާދަ ކުރައްވާނެކަން ރަސްމީކޮށް މިހާތަނަށް އިއުލާން ކުރެއްވީ، ކުރީގެ އިކޮނޮމިކް މިނިސްޓަރު ފައްޔާޒު އިސްމާއިލް އެވެ. ނަމަވެސް ފައްޔާޒު އަދި ރަސްމީކޮށް ކެމްޕެއިން ކުރައްވާކަށް ނުފައްޓަވަ އެވެ.
ޝާހިދާއި ފައްޔާޒުގެ އިތުރުން އަދިވެސް އެހެން ބައެއް ބޭފުޅުން އެމްޑީޕީގެ ރިޔާސީ ޓިކެޓަށް ޝައުގުވެރިކަން އެބަ އޮތެވެ. ނަމަވެސް އެ ބޭފުޅުން އަދި އެކަން ފާޅުގައި ހާމައެއްނުކުރައްވަ އެވެ.
ރިޔާސީ އިންތިހާބަށް މިހާރުއްސުރެ ތައްޔާރުވަމުން އަންނައިރު، ސަރުކާރު ހިންގާ ޕާޓީ ޕީއެންސީގެ ޓިކެޓް މިދިޔަ ހުކުރު ދުވަހު ވަނީ މިހާރުގެ ރައީސް ޑރ. މުހައްމަދު މުއިއްޒަށް ދީފަ އެވެ.
