ޕީއެންސީގެ ކޮންގެރެސް ނިންމަން ރޭ ބޭއްވި ޖަލްސާގައި ވާހަކަ ދައްކަވަމުން ރައީސް މުއިއްޒު ވިދާޅުވީ މި ވެރިކަން ފެށުނު އިރި ޕީއެންސީގައި ތިބީ އެންމެ 3000 އެއްހާ މެމްބަރުންކަމަށެ ވެ.
އެހެންނަމަވެސް މެމްބަރުން ިއތުރުކުރަން ކުރި މަސައްކަތުން މިހާރު ޕާޓީގެ މެމްބަރުގެ އަދަދު 80،083 އަރާފައިވާކަމަށެވެ. އަދި މި އަދަދުން ދައްކުވާދެނީ ޕީއެންސީގެ ފަލްސަފާ ދިވެހި ރައްޔިތުން ގަބޫލުކުރާކަމުގެ ހެއްކެއްކަމަށް ރައީސް މުއިއްޒު ވިދާޅުވި އެވެ. އެމަނިކުފާނު ވިދާޅުވީ މިހާރު ދާ ގޮތުން ލައްކައަކަށް ވުރެ މައްޗަށް ވަރަށް އަވަހަށް އަރާނެކަަމަށް ގަބޫލުފުޅޫ ކުރައްވާކަމަށެވެ.
މިދިޔަ ރިޔާސީ އިންތިހާބު ކާމިޔާބުކުރި އިރު ޕީއެންސީގައި ތިބި މެމްބަރުންގެ އަދަދަކީ 3،022. އެވެ. އެހެންނަަވެސް ވެރިކަމަށް އައިތާ މަސް ދުވަސްތެެރޭގައި އެ އަދަދުވަނީ 40،000 މައްޗަށް އަރާފަ އެވެ. ރައީސް މުއިއްޒު ވިދާޅުވީ ޕީއެންސީއަށް އެއްވެސް މެމްބަރެއް ގަދަކަމުން ވައްދާގައި ނުވާނެކަމަށެވެ. ޕާޓިއާ ގުޅުނު ހުރިހާ މެމްބަރުން ގުޅުނީ ފުރިހަމަ ރުހުމުގައިކަމަށްވެސް ރައީސް މުއިއްޒު ވިދާޅުވި އެވެ.
އިލެކްޝަންސް ކޮމިޝަން (އީސީ)ގެ މިދިޔަ ޖޫންމަގު އާއްމުކުރި ހިސާބުތައް ދައްކާގޮތުން ޕީއެންސީގައި ތިބި މެމްބަރުންގެ އަދަދަކީ 67،579 އެވެ. ދެވަނައަށް އެންމެ މެމްބަރުން ގިނައީ އިދިކޮޅު އެމްޑީޕީގަ އެވެ. އެޕާޓީގެ މެމްބަރުންގެ އަދަދަކީ 55399 އެވެ. ރައީސް ޔާމީންގެ ޕީއެންއެފްގައި ތިބީ 3137 މެމްބަރުން ނެވެ.
