އެމްއެންޑީއެފުން ބުނީ ރާއްޖޭގެ ސަރަހައްދު ބެލެހެއްޓުމަށް ކޯސްޓުގާޑުން ކުރަމުންދާ މަސައްކަތުގެ ތެރެއިން، ރާއްޖޭގެ ހާއްސަ އިޤްތިސާދީ ސަރަހައްދުގައި ޤާނޫނާއި ހިލާފަށް މަސްވެރިކަން ކުރަމުންދިޔަ ބޭރުގެ މަސްބޯޓެއް އަތުލައިގެންފައިވާކަމަށެވެ.
މި ބޯޓް ސިފައިންގެ ބެލުމުގެ ދަށަށް ގެނައީ މިއަދު ކަމަށް އެމްއެންޑީއެފުން ބުނެ އެވެ.
މި ބޯޓް އަތުލައިގަތީ ކ.ދިއްފުށީގެ އިރުން 123 ނޯޓިކަލް މޭލު ބޭރުކަމަށް ސިފައިން ބުނެ އެވެ. އަދި އެ ބޯޓްގައި 6 މީހުން ތިބިކަމަށާއި އެ ބޯޓު މާލެ ގެނެއުމުގެ މަސައްކަތް މިހާރު ކުރަމުން އަންނަކަމަށް އެމްއެންޑީއެފް އިން ބުނެ އެވެ.
