ނަހުލާ އަކީ އޭނާ ގެ ފިލްމުތަކަށް ލޯބި ކުރާ އޯޑިއަންސްއަށް ސަޕްރައިސް ތަކެއް ދޭ ޑައިރެކްޓަރެކެވެ. އެހެން ކަމުން މިފަހަރުވެސް އޯޑިއަންސް މި ތިބީ އެކަމަށް ތައްޔާރު ވެގެން ނެވެ.
މި ފިލްމު ލީޑް ކާސްޓުންގެ ގޮތުގައި އަދި އިއުލާނުކޮށްފައިވަނީ ނަހުލާ އެންމެ ފަހުން ނެރުން ފިލްމު "ސޮރީ" އިން ގިނަ ބައެއްގެ ސަމާލުކަން ހޯދި ލާލި އާއި އެވްލީ ގެ އިތުރުން ލީޑް އެކްޓްރެސް އެއްގެ ގޮތުގައި ފެނިގެންދާ ޝިފާ އަދި ލީޑް އެކްޓަރެއްގެ ގޮތުގައި ފެނިގެންދާ ޝާރިފްގެ ނަމެވެ.
ނަހުލާގެ "މަޖުނޫނު" އަންނަ މަހު ބެލުންތެރިންނަށް ދޫކޮށްލަން ތައްޔާރުވަމުން އަންނަ އިރު، މިހާރު އޮލިމްޕަހުގައި ދައްކަމުން އަންނަނީ މި މަހުގެ 2 ގައި ޕްރީމިއާކުރި ޑާކް ރެއިން އެންޓަޓައިންމަންޓްގެ ރޮމޭންޓިކް ކޮމެޑީ "މަގޭ ބިޓްގެ ވެޑިން" އެވެ. ދެން އެންމެ އަވަހަށް އެ ސިނަމާގައި އަޅުވާނީ މި މަހުގެ 26 އަށް ތާވަލުކޮށްގައި ޔާރާ ޕްރޮޑަކްޝަންގެ ބިރުވެރި ފިލްމު "ދެވި" އެވެ.
