Advertisement

ދުންފަތާމެދު ހޭލުންތެރިކަން އިތުރުކުރުމަށް ކުރާ މަސައްކަތުގައި ބައިވެރިވާ މަދަނ ޖަމުއިއްޔާ ތަކާއި ޖަމާއްތްތަކަށް މާލީ އެހީގެ ގޮތުގައި އަހަރަކު ތިން މިލިއަން ރުފިޔާ ދޭން ނިންމާ މާލީ އެހީ ދޭނެ ގޮތުގެ އުސޫލު ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ވަނީ އާއްމުކޮށްފަ އެވެ.

މި އެހީއަށް އެދެން އެޗްޕީއޭއިން ފުރަތަމަ ހުޅުވާލިފުރުސަތު މިމަހުގެ 10 ވަނަ ދުވަހަށް ވަނީ ހަމަވެފަ އެވެ. އެ އިދާރާއިން ބުނީ އެހީއަސް އެދުމުގެ މުއްދަތު މިމަހުގެ 24 ގެ ނިޔަލަށް އަލުން އިތުރުކޮށްފައިވާ ކަމަށެވެ.

އެޗްޕީއޭއިން ންފަތާމެދު ހޭލުންތެރިކަން އިތުރުކުރުމަށް ކުރާ މަސައްކަތުގައި ބައިވެރިވާ މަދަނ ޖަމުއިއްޔާ ތަކާއި ޖަމާއަތްތަކަށް މާލީ އެހީ ދިނުމުގެ މަގުސަދަކީ ، ދިވެހިރާއްޖޭގައި ރަޖިސްޓަރީ ކޮށް ހިންގާ މަދަނީ ޖަމުއިއްޔާތަކާއި ޖަމާއަތްތަކުގެ ތެރެއިނ،ް ދިވެހިރާއްޖޭގައި ދުންފަތުގެ އިސްތިއުމާލުކުރުން މަދުކުރުމަށާއި މުޖުތަމައުތަކުގެ ސިއްހަތު ރައްކައުތެރިކުރުމަށް ބާރުއަޅައ،ި ހެކިތަކުގެ މައްޗަށް ބިނާވެފައިވާ އަދި ސަރުކާރުން މި ދާއިރާގައި ކުރަމުންދާ މަސައްކަތާއި ހިންގާ ސިޔާސަތުތަކާ ފުށުނާރާ ހަރަކާތެއް ނުވަތަ ހަރަކާތްތަކެއް ހިންގުމަށް ހުށަހަޅާ ފަރާތްތަކަށް އެ ހަރަކާތްތައް ހިންގުމަށް މާލީ އެހީ ދިނުން ކަމަށެވެ. 

އެގޮތުން ޖަމިއްޔާ ޖަމާއަތްތަކުން ހުށައަޅާ ހުށެއެޅުންތަކަށް ބެލުމަށްފަހު ކޮންމެ އަހަރަކު ޖުމުލަ ތިން މިލިޔަން ރުފިޔ،ާ މާލީ އެހީގެ ގޮތުގައި ދޫކުރަން ހަމަޖެހިފައިވާކަމަށް އެޗްޕީއޭއިން ބުނެއެވެ. 

އެހީ ދޭގޮތާއި ދޭ އަދަދުތައް 

1. ހަމައެކަނި ވަކި މުޖުތަމަޢަކަށް ނުވަތަ ރަށަކަށް އަމާޒުކުރެވޭ ހަރަކާތްތަކަށް / 75,000 ރުފިޔާއާއި 100,000 ރުފިޔާއާ ދެމެދު / އެންމެ ގިނަވަގެން 400,000 ލައްކަ ރުފިޔާ.
2. ޖުމުލަކޮށް ރާއްޖޭގެ އެންމެންނަށް ފައިދާކުރާނޭ މަސައްކަތް ކުރުމަށް / 100,000 ރުފިޔާއާއި 300,000 ތިންލައްކަ ރުފިޔާއާ ދެމެދު / އެންމެ ގިނަވެގެން 600,000 ރުފިޔާ
3. އެއް ސަރަހައްދަށް ވުރެ ގިނަ ސަރަހައްދުތަކުގައި ޢަމަލ މަސައްކަތް ކުރުމަށް / 300,000 ރުފިޔާއާއި 500,000 ރުފިޔާއާ ދެމެދު / އެންމެ ގިނަވެގެން 2 މިލިއަން ރުފިޔާ   

އެޗްޕީއޭއިން ބުނީ ކޮންމެ ހުށަހެޅުމެއްގައ،ި އިދާރީ ހަރަދުގެ ގޮތުގައި ހިމެނުމަށް ގިނަވެގެން ކަނޑައެޅޭނީ ، ހުށަހަޅާ އަދަދުގެ 20 ވިހި އިންސައްތަ ކަމަށެވެ. 

އެހީއަށް އެދޭ ޖަމިއްޔާތަކުގެ ތެރެިން އެހީ ދޭނެ ޖަމިއްޔާތައް ކަނޑައަޅަން ހެލްތު މިނިސްޓްރީން ހަތް މެމްބަރުން އެކުލެވޭ އެވޯޑިން ކޮމިޓީއެއް އުފައްދަން ޖެހެއެވެ. އަދި މި ކޮމެޓީގެ މުއްދަތަކީ 3 އަހަރުކަމަށް އުސޫލުގައި ވަނީ ބަޔާންކޮށްފަ އެވެ. 

އެހީއަށް އެދި ހުށަހަޅާ ހުށަހެޅުން ވަޒަންކުރުމުގެ ހުރިހާ މަރުހަލާއަކުން ފާސްވާން ޖެހޭނެކަމަށް އުސޫލުގައި ވެއެވެ. އަދި ހުށަހެޅުންތައް ވަޒަންކުރުމުގައި ބަލާ މިންގަނޑުން ވަޒަންކުރުމުން ލިބޭ ޖުމުލަ މާކުސް 70 ހަތްދިހަ ވުރެ މަދު ވެގެން ނުވާނެކަަމަށްވެސް އުސޫލުގައި ވެއެވެ.