މީގެ ދެ މަހެއްހާ ދުވަސް ކުރިން ދަންވަރުގެ ވަގުތެއްގައި ހިނގި މި ހާދިސާއާ ގުޅިގެން ހައްޔަރުކުރި މީހާ، މާފުށީ ކޯޓުން ދެ ފަހަރެއްގެ މަތިން (8 ދުވަސް އަދި 9 ދުވަސް) ބަންދުގައި ބެހެއްޓުމަށްފަހު، 30 ޖުލައި 2026 ގައި ވަނީ ޝަރުޠުތަކާއެކު ބަންދުން ދޫކޮށްލާފައެވެ.
އެ ނިންމުން ދައުލަތުން ވަނީ ހައިކޯޓުގައި އިސްތިއުނާފުކޮށް ބުނީ، ދަށު ކޯޓުން އޭނާ ދޫކޮށްލީ މަތީ މަރުހަލާގެ ކޯޓުތަކުގެ އުޞޫލުތަކާ އެއްގޮތަށް ސަބަބު ސާފުކޮށް ބަޔާންނުކޮށް ކަމަށެވެ.
އޭނާ ދިރިއުޅޭ ކޮޓަރިން ޓްރެފިކިން މިންގަނޑަށް ފެތޭ މަސްތުވާތަކެތި ފެނިފައިވާތީ، މުޖުތަމަޢުގެ ސަލާމަތަށް ނުރައްކާވުމާއި ހެއްކަށް ނުފޫޒު ފޯރުވުމުގެ އިޙްތިމާލު އޮތް ކަމަށް ދައުލަތުން ބުންޏެވެ.
މައްސަލައިގެ ވަށައިގެންވާ ހާލަތްތަކަށާއި މުޖުތަމަޢުގެ ސަލާމަތަށް އޮތް ނުރައްކަލަށް ދަށު ކޯޓުން އެކަށީގެންވާ ގޮތެއްގައި ރިއާޔަތްކޮށްފައި ނުވާތީ ހައިކޯޓުން ވަނީ ދަށު ކޯޓުގެ އަމުރު ބާތިލުކޮށްފައެވެ.
އޭނާ ބަންދުގައި ބަހައްޓަން ޕްރޮސިކިއުޓަރ ޖެނެރަލްގެ އޮފީހުން އެދޭނަމަ، ދެ ދުވަހުގެ ތެރޭގައި މާފުށީ މެޖިސްޓްރޭޓް ކޯޓަށް ހުށަހެޅުމަށާއި، އެއާއެކު އެ ކޯޓުން ބަންދާމެދު އަލުން ގޮތެއް ނިންމުމަށް ހައިކޯޓުން ވަނީ އަންގާފައެވެ.
