ސޯޝަލް މީޑިއާގެ ލައިވްސްޓްރީމެއްގައި ވާހަކަދައްކަމުން އޭނާ ބުނީ ކަންފަތުގެ އަޑުއިވުން ދަށްވަމުންދާތީ އެކަމަށް ބޭސްކުރަމުންދާ ކަމަށެވެ. މިއީ ބީޓީއެސްގެ ބޮޑު ވޯލްޑް ޓުއާ ކުރިއަށްދާ ދަނޑިވަޅެއްގައި އޭނާ ހާމަކުރި ވާހަކައެކެވެ.
ކަންފަތުގެ މައްސަލައާ ބެހޭގޮތުން އިތުރަށް ތަފްސީލު ދެމުން ވީ ބުނީ، އޭނާގެ ވާއަތު ކަންފަތުގެ އަޑުއިވުން 100 ޕަސަންޓުގައި ހުރިއިރު، ކަނާތު ކަންފަތަށް އަޑުއިވެނީ އެންމެ 30 ޕަސަންޓަށްކަމަށެވެ. އެހެންކަމުން ކަނާތު ކަންފަތަށް އަޑުއިވުމުގެ ބޮޑު އުނިކަމެއް އައިސްފައިވާކަން އޭނާ ފާހަގަކުރި އެވެ. މިއީ އޭނާގެ ސަޕޯޓަރުންނަށް ކަންބޮޑުވުން ލިބުނު މައުލޫމާތެކެވެ.
މި މައްސަލަ އޭނާ ހާމަކޮށްފައިވަނީ ކޮންމެހެން ފުރިހަމަކުރަންޖެހޭ އަސްކަރީ ވާޖިބު ފުރިހަމަކުރުމަށްފަހު، ބީޓީއެސްގެ ހުރިހާ މެންބަރުން އެކީގައި ފެށި އިންޓަނޭޝަނަލް ޓުއާ ކުރިއަށްދާ ދަނޑިވަޅުގައެވެ. މިއީ އަސްކަރީ ވާޖިބަށްފަހު ބީޓީއެސްގެ ހަތް މެންބަރުން އެކީގައި ބާއްވާ ފުރަތަމަ ވޯލްޑް ޓުއާއެވެ.
