ކައުންސިލްތަކުގެ މިލްކިއްޔާތުގައިވާ ބިންތައް ސަރުކާރަށް އަތުލުމުގެ ބާރު ދެވޭ ގޮތަށް ލާމަރުކަޒީ ގާނޫނަށް އިސްލާހު ގެނައުމަށް ހުށައެޅީ ސަރުކާރާއި ގާތް ގުޅުމެއް އޮންނަ ތުޅާދޫ ދައިރާގެ މެމްބަރު އަބްދުލް ހަންނާން އަބޫބަކުރު އެވެ.
އޭނާ ހުށައެޅުއްވި ބިލުގެ ބަހުސް މިއަދު މަޖލީހުގައި ކުރިޔަށް ދިޔަ ވަގުތު ނިޒާމީ ނުކުތާއެއް ނަންގަވާ ވާހަކަ ދައްކަވަމުން ވިދާޅުވީ މިނިވަން މެމްބަރުންނަށް ވެސް އެއްވެސް ޕާޓީއަކަށް ނިސްބަތްވާ މެމްބަރުންނަށްވެސް މަޖިލީހަށް ބިލު ހުށަހެޅުމުގެ ފުރުސަތު އޮންނާނެ ކަމަށެވެ. އަދި އަމިއްލަ މެމްބަރަކު ހުށަހެޅުއްވި ބިލަކީ ސަރުކާރު ފަރާތުން ހުށަހެޅި ބިލެއް ގޮތަށް ވިދާޅުވުމަކީ ހަމަ ސީދާ ނިޒާމީ މައްސަލައެއް ކަމަށް ފަލާހް ވިދާޅުވިއެވެ.
ބިލް ހުށައެޅުއްވި ތުޅާދޫ ދައިރާގެ މެމްބަރު އަބްދުލް ހަންނާން އަބޫބަކުރު
މި ބިލުގެ ބަހުސް އެއް ދުވަހުން ނިންމައި، ދިރާސާ ކުރުމަށް ބިލު ބަލައިގަނެ، ކޮމިޓީއަށް މިއަދު ވަނީ ފޮނުވާފަ އެވެ. މި ބިލް މަޖިލިހަށް ބަލައިގަތީ 55 މެންބަރުންގެ ވޯޓުން ނެވެ. ނުފެންނަ ކަމަށް އަށް މެންބަރަކު ވޯޓު ދެއްވި އެވެ. މި ބިލަށް ބަހުސްކުރަން މިއަދު ހުޅުވާލި ފުރުސަތުގައި ވާހަކަ ދެއްކެވީ އެންމެ ދެ މެމްބަރުން ނެވެ. އެއީ އެމްޑީޕީގެ ފަރާތުން އެ ބިލާއި ދެކޮޅުކަން ހާމަކުރައްވާ ވާހަކަ ދެއްކެވި ކެންދޫ ދާއިރާގެ މެމްބަރު މައުރޫފް ޒާކިރާއި ބިލަށް ތާއިދުކުރާކަން ހާމަކޮށް ޕީއެންސީގެ ފަރާތުން ވާހަކަ ދެއްކެވި ހޯރަފުށި ދާއިރާގެ މެންބަރު އަލީ މުސާ. އެވެ. މި ބިލުގެ ބަހުސަށް މިއަދު ހޭދަވީ ގާތްގަޑަކަށް 20 މިނެޓް އެވެ.
