އުދަ އަރާނެކަމަށް ލަފާކޮށް މެޓް އޮފީހުން ވަނީ ކ. އަތޮޅުން ފެށިގެން ރާއްޖޭގެ އެންމެ ދެކުނަށް އައްޑޫ ސިޓީގެ ރަށްތަކަށް އެލާޓް ނެރެފައެވެ. އެގޮތުން މިރޭގެ ދަންވަރު 02:30 އާއި ހަމައަށް އެލާޓް ވަނީ ނެރެފައެވެ.
މިއަދު ވަނީ މާލޭގެ ބައެއް ސަރަހައްދުތަކަށް އުދަ އަރާ ބައެއް ގެއްލުންތައް ލިބިފައެވެ. އެގޮތުން މާލޭ ކާނިވާ ސަރަހައްދަށް ވަރަށް ބޮޑަށް އުދަ އަރާ އެ ސަރަހައްދުގައި ޕާކުކޮށްފައި ހުރި ސައިކަލްތަކަށް ވަނީ ގެއްލުންވެފައެވެ.
މީގެއިތުރުން އާންމުކޮށް އެންމެ ބޮޑަށް އަރާ ރާޅުގަނޑު ސަރަހައްދަށް އުދަ އަރާފައިވަނީ ގަލާއި ވެއްޔާ އެކުއެވެ. އެއާއި އެކު އެމަގުން ދުއްވުމަށް އުނދަގޫވެ ހިނގާ ބިނގާ އުޅެންވެސް ދަތިތަކާއި ކުރިމަތިވިއެވެ. މީގެއިތުރުން އިންޑަސްޓްރިއަލް ވިލެޖް ސަރަހައްދަށްވެސް ވަނީ ވަރަށް ބޮޑަށް އުދަ އަރާފައެވެ.
