ޔޫކޭ ވިސާއަށް އެދި ހުށަހަޅަން ބޭނުންވާ ފަރާތްތަކަށް ހާއްސަކޮށްގެން ވީއެފްއެސް ގްލޯބަލްއިން ހިންގާ ވަގުތީ ވިސާ ސެންޓަރުގެ ހިދުމަތް ދިނުމަށް ހަމަޖެހިފައިވަނީ އަންނަ އޮގަސްޓް މަހުގެ 10 އިން 12 އަށް މާގިރި ހޮޓަލުގަ އެވެ.
ވީއެފްއެސްއިން ވަނީ އިނގިރޭސިވިލާތުގެ ވިސާ އަށް އެދި ހުށަހަޅަން ބޭނުންވާ ދިވެހިން، GOV.UK ޕޯޓަލް މެދުވެރިކޮށް އޮންލައިން އެޕްލިކޭޝަން ފުރިހަމަކޮށް، އެޕޮއިންޓްމަންޓް ބުކް ކުރުމަށް އިރުޝާދު ދީފަ އެވެ.
ފޮރިން މިނިސްޓްރީން ބުނީ މިއީ އިނގިރޭސިވިލާތަށް ކިޔަވަންދާ ދަރިވަރުންގެ އިތުރުން އެކި ބޭނުންތަކަށް އެ ގައުމަށް ދަތުރުކުރާ ދިވެހިންނަށް ރާއްޖޭގައި ތިބެގެން ވިސާގެ ކަންކަން ފުރިހަމަ ކުރުމަށް މަގުފަހިކޮށްދިނުމުގެ ގޮތުން ދޭ ހިދުމަތެއް ކަމަށެވެ.
