މި ހިދުމަތް ތައާރަފްކުރުމަށް ހޮޓެލް ޖެންގައި މިއަދު ބޭއްވި ހަފްލާގައި ބީއެމްއެލްގެ ސީއީއޯ އަދި މެނޭޖިން ޑިރެކްޓަރު މުހައްމަދު ޝަރީފް ވިދާޅުވީ ރާއްޖޭން ބޭރުން ހިދުމަތް ހޯދުމަށާއި ތަކެތިގަތުމަށް ޑެބިޓް ކާޑާއި ކްރެޑިޓް ކާޑުން ކުރާ މުއާމަލާތްތަކަށް މަހެއްގެ މައްޗަށް ވިއްކާ ޑޮލަރުގެ އަދަދު ފާއިތުވި 5 އަހަރުގެ ތެރޭގައި 3.7 ގުނަ އިތުރުވެ، އެވްރެޖްކޮށް މަހަކަށް 39.3 މިލިއަން ޑޮލަރު ވިއްކަމުން އަންނަ ކަމަށެވެ. އެ ހިދުމަތް ހޯދާ ކަސްޓަމަރުންގެ އަދަދު 2 ގުނައަށް ވުރެ ވެސް އިތުރުވެ، ކޮންމެ މަހަކު 250،000،-300،000އާ ދެމެދުގެ އަދަދަކަށް މީހުން ރުފިޔާ ކާޑުތަކުން ރާއްޖޭން ބޭރުގެ މުއާމަލާތް ކުރަމުން އަންނަކަން އޭނާ ފާހަގަކުރެއްވި އެވެ.
މީގެ އެންމެ މުހިންމު ސަބަބަކީ، ޝަރީފް ވިދާޅުވި ގޮތުގައި، ދިވެހިން ބޭރުގެ ގައުމުތަކުން އޮންލައިންކޮށް މުދާ ގަތުމުގެ މުއާމަލާތްތައް (ކްރޮސް-ބޯޑަ އީ-ކޮމާސް) އިތުރުވެގެން ދިއުމެވެ.
ޝަރީފް ވިދާޅުވީ ބޭންކަށް އިންވެސްޓްކުރަން ބޭނުންވާ ފަރާތްތަކުން ޑޮލަރުން އިންވެސްޓްކުރާ އަދަދަކަށް ހަމަ އެވަގުތު ދިވެހި ރުފިޔާއިން އަރާވަރު ލިބޭނެކަމަށެވެ. އަދި ޖެހިގެން އަންނަ ދުވަހު އެ ޑޮލަރު ބޭންކުން އެކިކަންކަމަށް ހަރަދޔުކޮސްގެން ލިބޭ ފައިދާއިން 25 އިންސައްތަ ޑޮލަރު އިންވެސްޓްކުރު މީހާއަށް ލިބޭނެކަމަށްވެސް ޝަރީފު ވިދާޅުވި އެވެ.
ޝަރީފް ވިދާޅުވީ ބޭންކަށް ޑޮލަރު އިންވެސްޓް ކުރާ ފަރާތްތަކަށް 25 އިންސައްތަގެ ފައިދާއެއް ދެނީ ކާޑުގެ ކަންކަމަށް ނަގާ 30 އިންސައައިގެ ފީގެ ތެރެއިންކަމަށެވެ. ޝަރީފް ވިދާޚުވީ ބޭންކަށް ޑޮލަރު ވިއްކުމަށް ބޭނުންވާ ފަރާތްތަކަށް އެ ފުރުސަތު މިހާރު ބީއެމްއެލްގެ އިންޓާނެޓް ބޭންކިންނާއި މޮބައިލް އެޕުން މިހާރު ކުރެވޭނެކަމަށެވެ.
ޑޮލަރުން އާމްދަނީ ލިބޭ ފަރާތްތަކުން ރަނގަޅު ފައިދާއެއް ލިބޭ އިންވެސްޓްމެންޓް ޕޫލްތަކުގައި އިންވެސްޓްކުރުމުން، އީކޮމާސް ރީޓެއިލް ސައިޓްތަކުން ކުރާ މުއާމަލާތްތަކާއި ފީ ނަގާ އެހެން ބައެއް މުއާމަލާތްތަކުގައި އިންވެސްޓް ކުރުމަށް ފަހު އެ މުއާމަލާތްތަކުން ލިބޭ ފީ އެ މުއާމަލާތް ހިންގުމުގެ ހަރަދު ކެނޑުމަށް ފަހު އިންވެސްޓް ކުރާ ފަރާތަށް ދޭނެ ކަމަށް ޝަރީފް ވިދާޅުވި އެވެ.
