ރިޕޯޓްތައް ބުނާ ގޮތުން ދޮޅު ކިލޯއަށްވުރެ ގިނަ މަސްތުވާތަކެތި އެތެރެކުރުމުގެ ތުހުމަތުގައި ހައްޔަރުކޮށްފައިވާ ޢަލްޔާ ޝަރްސާ ނަޞީރުވަނީ އެ މައްސަލައިގައި އޭނާއާއެކު ހައްޔަރުކޮށްފައިވާ އާމިނަތު ރޫނާގެ މައްޗަށް ގްރޫމް ކުރުމުގެ ތުހުމަތުކޮށްފައެވެ.
މިދިޔަ އޭޕްރީލް މަހު، ވައިގެ މަގުން ރާއްޖެއަށް ޑްރަގު އެތެރެކުރި މި މައްސަލައިގައި ފުރަތަމަ ހައްޔަރުކުރީ އަލްޔާއެވެ. އަލްޔާ އެއާޕޯޓުން ހައްޔަރުކުރުމަށް ފަހު، ހަމަ އެ ރޭ، ރޫނާވެސްވަނީ ހައްޔަރުކޮށްފައެވެ. އޭރުއްސުރެ ދެ މީހުން ތިބީ ބަންދުކޮށްފައެވެ.
އެ ދެ މީހުންގެ ބަންދު މުރާޖައާކުރުމަށް ހާޒިރުކުރުމުން އަލްޔާގެ ފަރާތުން ތުހުމަތުކުރީ، ރޫނާ އޭނާ ގްރޫމްކޮށް ކުށްކުރަން ބޭނުންކުރި ކަމަށާއި، އެކަމަށް ޓަކައި އޭނާ ރާއްޖޭން ބޭރަށް ފޮނުވަމުން ދިޔަ ކަމަށެވެ.
