މީގެ އިތުރުން، މޯދީ ވަނީ މަލަޔާޅަމް ސިނަމާގެ ލެޖެންޑް އެކްޓަރު މަމޫއްޓީއާއި އޭނާގެ އާއިލާގެ މެންބަރުންނާވެސް ވަކިން ބައްދަލުކުރައްވާފައެވެ. މި ހާއްސަ ބައްދަލުވުންތައް ބާއްވާފައިވަނީ ޕްރައިމް މިނިސްޓަރުގެ ރަސްމީ ބޭއްވުންތަކުގެ ތެރެއިންނެވެ.
މި ބައްދަލުވުމުގައި "ޕަންޗާޔަތު" ސީރީޒްގައި "ބިނޯދު" އަދި "ބޫޝަން" ގެ ކެރެކްޓާއިން މަގުބޫލުކަން ހޯދި ދެ އެކްޓަރުންނާ މޯދީ ވަނީ ވަރަށް ގާތްކޮށް ވާހަކަދައްކަވާފަ އެވެ. އަދި އިންޑިއާގެ ރަށްފުށުގެ ދިރިއުޅުން ދައްކުވައިދޭ މި ސީރީޒްގައި އެމީހުން ދައްކާފައިވާ މޮޅު ހުނަރަށް މޯދީ ތައުރީފު ކުރެއްވި ކަމަށް ހަބަރުތައް ބުނެ އެވެ.
ފިލްމީ ދާއިރާގެ ކުރިއެރުމާއި، އިންޑިއާގެ ސަގާފަތް ދުނިޔެއަށް ދެއްކުމުގައި ފަންނާނުންގެ ދައުރު ބޮޑުކަން ޕްރައިމް މިނިސްޓަރުގެ އޮފީހުން ވަނީ ފާހަގަކޮށްފަ އެވެ.
މަމޫއްޓީއާއި އޭނާގެ އާއިލާއާއެކު ބޭއްވި ބައްދަލުވުމުގެ ތެރެއިން، މަމޫއްޓީގެ ދަރިފުޅު އަދި މަޝްހޫރު އެކްޓަރު ދުލްގަރް ސަލްމާންވެސް ވަނީ މޯދީއާ ބައްދަލުކޮށްފަ އެވެ. މި ބައްދަލުވުންތަކުގެ ފޮޓޯތައް ސޯޝަލް މީޑިއާގައި އާންމުވުމާއެކު، ސަޕޯޓަރުންގެ ބޮޑު ސަމާލުކަމެއް ވަނީ ލިބިފަ އެވެ.
