ބީއެމްއެލްއިން ބުނީ، މާލެއާއި އަތޮޅުތަކުގައި އޭޓީއެމް ހިދުމަތް ބޭނުންކުރަމުންދާ މިންވަރު އިތުރުވުމަކީ ރައްޔިތުން މިކަން ބަލައިގެންފައިވާ މިންވަރު ހާމަކޮށްދޭ ކަމެއް ކަމަށެވެ.
މިދިޔަ އަހަރުގެ ތެރޭގައި ބީއެމްއެލްއިންވަނީ ފުވައްމުލަކުގައި ޑޮލަރު އޭޓީއެމްއެއްވެސް ހުޅުވައިފައެވެ.
މި ސަރުކާރުން ވަނީ "މުޅި ރާއްޖެއަށް ބީއެމްއެލް އޭޓީއެމް" މަޝްރޫއުގެ ނަމުގައި ރާއްޖޭގެ ހުރިހައި ރަށެއްގައި އޭޓީއެމް ގާއިމްކުރުމުގެ މަޝްރޫޢެއް ފައްޓަވާފަ އެވެ.
މި މަޝްރޫއުގެ ދަށުން އެންމެ ފުރަތަމަ އޭޓީއެމް ގާއިމުކޮށްފައިވަނީ މިދިޔަ އަހަރުގެ ފެބްރުއަރީ މަހު އެވެ. އަދި އެންމެ 9 މަސް ދުވަހުގެ ތެރޭގައި 20 އަތޮޅުގެ 105 ރަށެއްގައި އޭޓީއެމް ގާއިމުކޮށް ނިންމާފައިވާކަމަށް ބޭންކުން ބުނެ އެވެ.
