ގަން އިންޓަނޭޝަނަލް އެއާޕޯޓުގައި އަޅާ މިސްކިތިގެ ބިންގާ އެޅުމަށް ބޭއްވި ހާއްސަ ރަސްމިއްޔާތުގައި އެތަނުގެ ބިންގާ އަޅުއްވާދެއްވީ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދުއެވެ. އަދި މިނިސްޓަރު ޝަހީމާއި އެކު ޑިމްސް'ގެ ނަމުގައި މަޝްހޫރު ގިނަ ވިޔަފާރިތަކެއް ހިންގަވާފައިވާ މުހައްމަދު ސާލިހުވެސް ވަނީ ބައިވެވަޑައިގެންފައެވެ.
ގަން އިންޓަނޭޝަނަލް އެއާޕޯޓުގައި އަޅާ މިސްކިތުގެ ބިންގާ އެޅުމުގެ ތެރެއިން
ގަން އިންޓަނޭޝަނަލް އެއާޕޯޓުގައި ބިނާކުރާ މިސްކިތް ކޮމްޕްލެކްސް އަކީ ދެ ބުރިއަށް ބިނާކުރާ މި މިސްކިތެއްކަމަށް އިސްލާމިކް މިނިސްޓްރީން ބުނެއެވެ. އަދި އެތަނުގައި 800 މީހުންނަށް އެއްފަހަރާ ނަމާދު ކުރެވޭނެ ޖާގަ އޮންނާނެކަމަށްވެސް މިނިސްޓްރީން ބުނެއެވެ. މީގެއިތުރުން އެތަނުގައި ހޯލަކާއި ލައިބްރަރީއެއް ހުންނާނެކަމަށްވެސް މިނިސްޓްރީން ބުނެއެވެ.
