މާލޭ ސިޓީ ކައުންސިލުން ބުނީ މި ހާދިސާއާ ގުޅިގެން މިސްކިތުގެ އަޑުގަދަކުރާ ނިޒާމަށް ވަނީ ބުރޫއަރައިފައެވެ. އެ ގޮތުން ރޭ ގެ ފަތިސް ނަމާދު ކޮށްފައިވަނީ ސައުންޑަކާ ނުލާކަމަށް ސިޓީ ކައުންސިލުން ބުނެއެވެ.
މި ވައްކަމުގެ މައްސަލަ މިހާރު ވަނީ، މޯލްޑިވްސް ޕޮލިސް ސަރވިސްއަށް ރިޕޯޓްކޮށްފައިވާކަމަށް ސިޓީ ކައުންސިލުން ބުނެއެވެ..
މާލެ ސިޓީ ކައުންސިލުން ބަލަހައްޓަމުންދާ ޖުމްލަ 41 މިސްކިތެއް، މާލެ ސަރަހައްދުގައި ހުންނައިރު، މިސްކިތްތަކުން ވައްކަން ކުރުމަކީ ދޭތެރެ ދޭތެރެއިން ފާހަގަކުރެވޭ ބޮޑު މައްސަލައެއްކަމަށް އެ ކައުންސިލުން ބުނެއެވެ.
މިކަމާއި ގުޅިގެން މާލޭގެ މޭޔަރު އާދަމް އާޒިމް ވިދާޅުވީ މިސްކިތްތަކުން ވައްކަން ކުރުމަކީ ވަރަށް ނާތަހުޒީބު އަމަލެއް" ކަމަށެވެ. އަދި މި ފަދަ އަމަލުތައް ހިންގާ ފަރާތްތައް ހޯދައި، އެ ފަރާތްތަކަށް ގާނޫނީ ގޮތުން ދޭންޖެހޭ ހައްޤު އަދަބު ދޭން އާޒިމް ވަނީ ގޮވާލައްވާފައެވެ.
