ޖެނިފާ މިހާރު ލޯބީގެ ގޮތުން ގުޅިގެން އުލެނީ ސިންގަފޫރަށް ނިސްބަތްވާ އިޝްމާއިލް ވިލިއަމްއާއެވެ. ދާދި ފަހުނ މި ދެމީހުން އެކުގައި ހޭދަކުރު ޗުއްޓީގައި ވިލިއަމް ކައިވެނީގެ ޕްރޮޕޯޒަލް ހުށައަޅާ އިންނަން ޖެނިފާ ގާތު އަހާފައިވާކަމަށް މީޑިއާ ރިޕޯޓްތައް ބުނެއެވެ.
އެ ހުށައެޅުމަށް ޖެނިފާ އާ ބަސް ބުނުމާއި އެކު މިހާރު ކައިވެނީގެ ތައްޔާރީތައް ފެށިފައިވާކަމަށްވެސް އިންޑިއާގެ ނޫސްތަކުން ބުނެއެވެ. ރިޕޯޓްތައް ބުނާގޮތުން މި ކައިވެނި އޮންނާނީ މި އަހަރު ފަހުކޮޅު ނޫނީ އަންނަ އަހަރުގެ ކުރީކޮޅުއެވެ.
ޖެނިފާ ވަނީ މީގެކުރިން ކައިވެންޏެއްކޮށްފައެވެ. އެގޮތުން ޖެނިފާ ފުރަަތަމަ ކައިވެނީ ކުރީ އޭނާއާއި އެކު ޓީވީ ސްރީޒް ދިލް މިލް ގަޔޭ" ގައި މަސައްކަތްކުރި ކަރަން ސިންގް ގްރޯވާާ އާއެވެ. އެހެންނަމަވެސް އެ ކައިވެންޏަށް ދެ އަހަރުވީތަނާ ދެމީހުން ވަނީ ކައިވެނި ރޫޅާލާފައެވެ.
އޭގެފަހުން ކަރަން ވަނީ ބޮލީވުޑުން މަޝްހޫރުވި ބިޕާޝާ ބާސޫއާ ކައިވެނިކޮށްފައެވެ. އެ ކައިވެންޏަށް އަންހެން ކުއްޖަކުވެސް ވަނީ ލިބިފައެވެ.
