ސަލްމާން މިސްކިތަކީ ރައީސް ޔާމީން ވެރިކަމުގައި ބިނާކުރި މިސްކިތެކެވެ. 370 މިލިއަން ރުފިޔާ ހަރަދުކޮށްގެން އިމާރާތްކުރި މިސްކިތުގައި ނަމާދުކުރަން ފަށާފައިވަނީ 2022 ވަނަ އަހަރުގެ ރޯދަމާއި ދިމާކޮށް އޭޕްރިލް 1ވަނަ ދުވަހުއެވެ.
2017 ވަނަ އަހަރު މަސައްކަތް ފެށި މިސްކިތް ނިމިފައިވަނީ 2020 ވަނަ އަހަރުއެވެ.
އެ މިސްކިތް ރަސްްމީކޮށް ނުހުުޅުވާ މިިދިޔަ ސަރުކާރުން ބޭނުން ކުރަން ފެށުމުން އޭރު އިދިކޮޅުގައި އޮތް ޕީޕީއެމްއާއި މީހާރު ވެރިކަން ކުރަމުން އަންނަ ޕީއެންސީން ވަނީ އެކަމަށް ވަރަށް ބޮޑަށްް ފާޑުކިޔާފައެވެ.
ސަލްމާން މިސްކިތުގެ ނަން ފެންނަ ގޮތަށް އާއްމުކޮށް ހުޅުވާލާފައި
މި ސަރުކާރު ވެރިކަމާއި ހަވާލުވެ ސަލްމާން މިސްކިތް ވަރަށް އަވަހަށް ރަސްމީކޮށް ހުޅުވާނެކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް ވަނީ ކުރިން ވިދާޅުވެފައެވެ. އަދި ސަލްމާން މިސްކިތް ރަސްމީކޮށް ހުޅުވުމަށް ހަރަމްފުޅުގެ އިމާމެއް ގެނެވޭތޯ މަސައްކަތް ކުރައްވަމުން ގެންދާކަމަށްވެސް މިނިސްޓަރު ޝަހީމް ވަނީ ވިދާޅުވެފައެވެ.
