މިހާރު ކަލަންޑަރުގައިވާ ގޮތުން ހައްޖާއި ބޮޑު އީދުގެ ބަންދު ފެށެނީ މިމަހުގެ 26 ވާ އަންގާރަ ދުވަހުއެވެ. އެހެންކަމުން އޭގެ ކުރިޔަށް އޮންނަ ޢާދިއްތަ ދުވަހާއި ހޯމަދުވަހު އޮފީސްތަކަށް ނުކުންނަންޖެހެެވެ.
ރައީސް އޮފީހުން ބުނީ 24 ވާ އާދީއްތަ ދުވަހާއި، 25 ވާ ހޯމަ ދުވަސް، ސަރުކާރު ބަންދު ދެ ދުވަހުގެ ގޮތުގައި ހަމަޖެއްސެވުމަށް ރައީސް ޑރ މުހައްމަދު މުއިއްޒު މިއަދު ނިންމަވާފައިވާކަމަށެވެ.
މި ބަދަލާއި އެކު މިމަހުގެ 22 ވަނަ ދުވަހުން ފެށިގެން ބޮޑު އީދަށް ސަރުކާރު ބަންދުވާނެއެވެ. އަދި ބޮޑު އީދުގެ ބަންދުވެ ގޮތުގައި 9 ދުވަސް ލިބޭނެއެވެ.
ރައީސް އެ ގޮތަށް ހަމަޖެއްސެވީ، ބޮޑު އީދުގެ ބަންދާ ގުޅިގެން، ޢާއިލާއާއެކު ވީހާވެސް ގިނަދުވަސްތަކެއް އެކުގައި ހޭދަކުރުމަށް ފުރުސަތު ފަހިކޮށްދިނުމުގެ ގޮތުން، މެދުނުކެނޑޭގޮތަށް ބަންދު ދުވަސްތައް މުވައްޒަފުންނަށް ލިބޭގޮތަށް ހަމަޖައްސާ ދިނުމަށްކަމަށް ރައީސް އޮފީހުން ބުނެއެވެ.
ޢީދު ބަންދަށްފަހު ސަރުކާރުގެ އޮފީސްތައް ހުޅުވޭނީ، މިހާރު ވެސް ކަލަންޑަރުގައިވާ ގޮތުގެމަތީން، މޭ 31 ވާ އާދީއްތަ ދުވަހުއެވެ.
