ރައްޔިތުންނާއިއެކު ބާއްވަމުންދިޔަ ބައްދަލުވުންްތައް އަނެއްކާވެސް އަންނަމަހު ފަށާނެކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ.
Advertisement
މިއަދު ނޫސްވެރިންނާއި ބައްދަލުކުރައްވާ ވާހަކަ ދައްކަވަމުން ރައީސް މުއިއްޒު ވިދާޅުވީ ކުރިން ގެންދިޔަ ގޮތަށް ރައްޔިތުންނާއި އެކީ ބައްދަލުވުންތައް ބާއްވަން ފަށަން ނިންމަވާފައިވާކަމަށެވެ. އެގޮތުން ވަގުތު އޮތް މިންވަރަކުން ހަފްތާއަކު އެއް ބައްދަލުވުން ބޭއްވޭތޯ މަސައްކަތް ކުރައްވާނެކަމަށްް ރައީސް ވިދާޅުވިއެވެ.
" އަޅުގަނޑު މަސައްކަތް ކުރާނީ ހަމަ ވަގުތު އޮތް މިންވަރަކުން އިރާދަކުރެއްވިއްޔާ މި ބައްދަލުކުރެއްވުންތައް ބޭއްވޭތޯ އެއްވެސް ކަހަލަ ދަތުރެއް ނުވަތަ ވަގުތު ނޯންނަކަހަލަ ކަމެއް ދިމާނުވާހާ ހިނދެއްގައި. ހަފުތާއަކު އެއް ދުވަހު ނޫނިއްޔާ ވީހާވެސް އަވަސްކޮށް ރައްޔިތުންގެ ބައްދަލުވުންތައް ބާއްވާނަން." ރައީސް މުއިއްޒު ވިދާޅުވިއެވެ.
ރައްޔިތުންނާއި ބައްދަލުކުރުމުގެ އިތުރުން އެކި ދައިރާތަކުގެ ފަރާތްތަކާއިއެކުވެސް ބައްލުވުންތައް ބާއްވާނެކަމަށްވެސް ރައީސް މުއިއްޒު ވިދާޅުވިއެވެ.
