އެމަނިކުފާނު މިހެން ވިދާޅުވީ މިއަދު ރާއްޖޭގައި ފާހަގަކުރާ ކުޑަކުދިންގެ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައެވެ.
ރައީސް މުއިއްޒުގެ ޕޯސްޓުގައި އެމަނިކުފާނު ވިދާޅުވީ ދިވެހިރާއްޖޭގެ ކުޑަކުދިންގެ ދުވަހުގެ ތަހުނިޔާއާއި ހެޔޮއެދުންތައް ލޮބުވެތި ދިވެހި ކުޑަކުދިންނަށާއި ޢާއިލާތަކަށް ނުހަނު ލޯތްބާައެކު އަރިސްކުރައްވާކަމަށެވެ. އެކުދިން ހެދިބޮޑުވަމުން އަންނަ ވަރަކަށް، އުމުރާގުޅޭ ތަޢުލީމާއި ތަރުބިއްޔަތު ކުޑަކުދިންނަށް ދިނުމަކީ ސަރުކާރާއި ރައްޔިތުން ގުޅިގެން އަދާކުރަން ޖެހޭ ޤައުމީ ޒިންމާއެއްކަމަށް ރައީސް މުއިއްޒު ވިދާޅުވިއެވެ. އަދި އެކުދިންނަށް ހަގީގީ ލޯބި ދިނުމަކީ ދީނާއި ދުނިޔެ އުނގަންނައިދިނުންކަމަށްވެސް ރައީސް މުއިއްޒު ވިދާޅުވިއެވެ.
ކޮންމެ އަހަރެއްގެވެސް މޭމަހުގެ 10 ވަނަ ދުވަސް ރާއްޖޭގައި ފާހަގަކުރަމުން އަންނަނީ ކުޑަކުދިންގެ ދުވަހުގެ ގޮތުގައެވެ.
