އެ މަގާމަށް މީހަކު ހޯދަނީ ކުރިން އެ މަގާމުގައި ހުންނެވި ސުޖާތާ ހަލީމް މިދިޔަ ފެބްރުއަރީމަހުގެ 4 ވަނަ ދުވަހު އިސްތިއުފާ ދެއްވުމުންނެވެ. ސުޖާތާ މަގާމުން އިސްތިއުފާދެއްވީ ޕެންޝަން އޮފީސް މެދުވެރިކޮށް ސަރުކާރުން ނަގަން މަސައްކަތް ކުރާ، 2.4 ބިލިއަން ރުފިޔާގެ ބޮންޑުގެ މައްސަލަ ބޮޑުވެފައިވަނިކޮށެވެ.
ޕެންޝަން އޮފީހުން މިއަދު ވަނީ އެ އޮފީހުގެ ސީއީއޯކަމަށް ކުރިމަތިލާން ފުރުސަތު ހުޅުވާލާފައެވެ.
އެ މަޤާމަށް ކުރިމަތިލުމުގެ ސުންގަޑިއަކީ 7 މޭ 2026 ވާ ބުރާސްފަތި ދުވަހުގެ 14:00 ކަމަށް އެ އޮފީހުން ބުނެއެވެ . އެ މަޤާމަށް ކުރިމަތިލުމަށް ޝައުޤުވެރިވާ ފަރާތްތަކުން އެޕްލިކޭޝަން ހުށަހަޅާނީ ބަޔާންކޮށްފައިވާ ލިޔުންތަކާއެކު ގޫގުލް ފޯމު މެދުވެރިކޮށްކަމަށް އެ އޮފީހުން ބުނެއެވެ.
ޗީފް އެގްޒެކެޓިވް އޮފިސަރ ުގެ މަގާމަށް މީހަކު ހޯދަނީ 5 އަހަރު ދުވަހުގެ މުއްދަތަށް ކަމަށާއި މުސާރަ އާއި ޢިނާޔަތްތައް ކަނޑައަޅާނީ ތައުލީމީ ފެންވަރާއި ތަޖުރިބާއަށް ބަލައި، ދެފަރާތުން އެއްބަސްވާ ގޮތަކަށްކަމަށް ޕެންޝަން އޮފީހުން ބުނެއެވެ.
ފެންވަރު ނުވަތަ ޝަރުޠު:
މި މަޤާމަށް ޝޯޓްލިސްޓް ކުރުމުގައި، ޕެންޝަން، ސޯޝަލް ސެކިއުރިޓީ، ފައިނޭންސް، އިންވެސްޓްމަންޓް، ޕަބްލިކް ޕޮލިސީ، ގަވާނަންސް ފަދަ ގުޅުންހުރި ދާއިރާއަކުން ތަޖުރިބާ ލިބިފައިވާ ފަރާތްތަކާއި، އެފަދަ ދާއިރާއެއްގައި ސީނިއާ މެނޭޖްމަންޓް ލެވެލްގައި މަސައްކަތް ކޮށްފައިވާ ފަރާތްތަކަށް އިސްކަންދޭނެކަމަށް ޕެންޝަން އޮފީހުން ބުނެއެވެ.
