އަލިމަސް އިންސްޓިޓިއުޓުން ބުނެފައި ވަނީ "ބަސްދަސް" އަކީ އިނގިރޭސި ބަސް ދަސްކުރުމަށް ބޭނުންކުރާ "ވޯޑް ކާޑް" އަސްލަކަށް ބަލައިގެން، ދިވެހި ބަސް ދަސްކޮށް ދިނުމަށް ފަސޭހަވާނެހެން ފަރުމާކޮށްފައިވާ އުފެއްދުމެއް ކަމަށެވެ.
މިއީ ދަރިވަރުންގެ މެދުގައި ދިވެހި ބަހަށް އޮންނަ ޝައުގުވެރިކަން އިތުރުކޮށް، މުނިފޫހިފިލުވުމުގެ ތެރެއިން ބަސް އުނގަންނައި ދިނުމަށް އެޅުނު މުހިންމު ފިޔަވަޅެއްގެ ގޮތުގައި ދެކޭ ކަމަށް ވެސް އެތަނުން ބުންޏެވެ.
މި ބަސްކާޑުތައް ހާއްސަކޮށްފައިވަނީ ތަތުލީމީ މަންހަޖުގެ ކީސްޓޭޖް 1 އަދި ކީސްޓޭޖް 2 ގެ ދަރިވަރުންނަށެވެ. މީގެ ސަބަބުން ޕްރައިމަރީ ގްރޭޑްތަކުގެ ކުދިންނަށް ދިވެހިބަހުގެ ލަފުޒުތަކާއި އޭގެ މާނަ ދަސްކުރުމަށް ބޮޑު އެހީތެރިކަމެއް ލިބިގެންދާނެ އެވެ.
