ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ނޫސްވެރިޔަކު ކުރި ސުވާލަކަށް ޖަވާބު ދެއްވަމުން ރައީސް ވިދާޅުވީ ޑިޖިޓަލައިޒޭޝަންގެ ތެރެއަށް ދާއިރު އޭއައިއަކީ ބަލައިގަންނަ އެއްޗަކަށް ވާންޖެހޭ ކަމަށެވެ.
ދިވެހި ދައުލަތުގެ ހުރިހާ ހިދުމަތެއް ޑިޖިޓަލައިޒް ކުރުމަށް ކުރިއަށް ގެންދާ މަޝްރޫއު "މޯލްޑިވްސް 2.0" އިފްތިތާހުކުރީ މިދިޔަ އަހަރުގެ މޭ މަހު އެވެ.
އޭއައި ރެގިއުލޭޓްކުރަން ސަރުކާރުން ތައްޔާރުވަމުން އަންނައިރު، އޭއައިގެ ބޭނުން ނަހަމަ ގޮތުގައި ހިފައިގެން މީހުންގެ އަބުރަށް އަރައިގަނެ ފޭކް ފޮޓޯއާއި ވީޑިއޯ އުފެއްދުމުގެ މައްސަލަތައް ފަހަކަށް އައިސް ވަނީ އިތުރުވެފަ އެވެ.
