ރާއްއްޖޭގެ ޓޫރިޒަމް ދާއިރާއަށް ދިމާވާ ގޮންޖެހުންތަކަށް އެހީތެރިކަން ފޯރުކޮށްދިނުމަށް ބޭންކުން އަބަދުވެސް މަސައްކަތްކުރަމުންދާ ކަމަށާއި އަދި އެ ދާއިރާއަށް 2024 އިން ފެށިގެން މިހާތަނަށް އާ ލޯނުގެ ގޮތުގައި 365 މިލިއަން ޑޮލަރު ދޫކޮށްފައިވާކަމަށް ބޭންކް އޮފް މޯލްޑިވްސްގެ ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފް ވިދާޅުވެއްޖެ އެވެ.
ޝަރީފް މިހެން ވިދާޅުވީ ބީއެމްއެލްގެ އޭޓީއެމް ވިއުގަ ފުޅާކޮށް އާ ހަ ބްރާންޗެއް އިފްތިތާހު ކުރުމަށް ރޭ ބޭއްވި ހާއްސަ ރަސްމިއްޔާތެއްގައި ވާހަކަފުޅު ދައްކަވަމުންނެވެ. އެގޮތުން ޝަރީފް ވިދާޅުވީ ފަތުރުވެރިކަމަށް ކުރިމަތިވަމުންދާ އަސަރުތައް ދެނެގަނެ، އެ ސިނާއަތަށް އެހީތެރިކަން ފޯރުކޮށްދިނުމަށް މުހިންމު ސްޓޭކްހޯލްޑަރުންނާ ގުޅިގެން މަސައްކަތް ކުރަމުންދާ ކަމަށެވެ.
އަދި މިއަދާ ހަމައަށް ފަތުރުވެރިކަމުގެ ދާއިރާއަށް ދޫކޮށްފައިވާ ލޯނު ޕޯޓްފޯލިއޯ 585 މިލިއަން ޑޮލަރަށް އަރާ ކަމަށް ވެސް ޝަރީފް ވިދާޅުވި އެވެ.
މިދިޔަ އަހަރު ބީއެމްއެލުން ވަނީ އެކި ބޭނުންތަކަށް 660 އަށް ވުރެ ގިނަ ޑޮލަރު ވިއްކައިފަ އެވެ
ބީއެމްއެލްގައި ޑޮލަރު ލިކުއިޑިޓީ ނެތްކަމަށް ބުނެ ދައްކަމުންދާ ވާހަކަ ވެސް ޝަރީފް ރޭ ވަނީ ދޮގުކުރައްވައިފަ އެވެ.
