އަބްދުއްޝަކޫރު ވަނީ ސިފައިންނާއި ފުލުހުން އެއް އިދާރާއެއްގެ ގޮތުގައި މަސައްކަތް ކުރިއިރު ނޮވެންބަރު 3ގެ އުދުވާނީ ހަމަލާއިން ރާއްޖެ ދިފާއުކުރެއްވުމަށް ހިތްވަރާއެކު ސިފައިންގެ ލަޝްކަރުގައި މަސައްކަތް ކުރައްވާފަ އެވެ.
އަދި ރާއްޖޭގެ ޖަލުތަކުގެ ހާލަތާއި އިންތިޒާމުތައް ރަނގަޅު ކުރެއްވުމާއި، މަސްތުވާތަކެތީގެ ވަބާއިން ގައުމު ސަލާމަތްކުރެއްވުމުގެ މަސައްކަތުގައިވެސް ޝަކޫރު ވަނީ އިސް ދައުރެއް އަދާކުރައްވާފަ އެވެ.
އަބްދުއްޝަކޫރު ވަނީ 43 އަހަރަށް ވުރެ ގިނަ ދުވަހު ފުލުހުންގެ ހިދުމަތުގައި މަސައްކަތް ކުރައްވާފަ އެވެ.
ރައީސް ޑރ. މުހައްމަދު މުއިއްޒު ވަނީ އަބްދުއްޝަކޫރުގެ އާއިލާއަށް ތައުޒިޔާ ފޮނުއްވާފަ އެވެ.
އުމުރުން 75 އަހަރުގައި ޝަކޫރު އަވަހާރަވީ، ކެންސަރު ބައްޔަށް އިންޑިއާގައި ފަރުވާ ހޯއްދަވަމުން ގެންދަވަނިކޮށް މިއަދު ހެނދުނު 10:15 ގަ އެވެ.
އާއިލާއިން އަންނަނީ އޭނާގެ ހަށިގަނޑު ރާއްޖެ ގެނައުމަށް މަސައްކަތްކުރަމުންނެވެ.
