އެމްއެންޑީއެފުން ވަނީ ހުވަފެނީ ގޯޅީގައި ހުރި ގުދަނެއްގައި އަލިފާނުގެ ހާދިސާއެއް ހިނގައިގެން ރިޕޯޓު ލިބިފައިވާކަން ކަށަވަރުކޮށްދީފައެވެ.
ގާތްގަނޑަކަށް ހެނދުނު 10:57 ހާއިރު ރޯވި މި އަލިފާންގަނޑު ކޮންޓްރޯލްކޮށްފައިވަނީ 11:52 ހާއިރެވެ.
ސޯޝަލް މީޑިއާގައި އާންމުވެފައިވާ ވީޑީއޯއިން ގުދަނުން ވަރަށް ބޮޑަށް ދުން އަރާ މަންޒަރު ފެނެ އެވެ.
އެ ހާދިސާގައި އެއްވެސް މީހަކަށް ގެއްލުމެެއް އަދި އަނިޔާއެއް ނުވެ އެވެ. އަދި އެ ގުދަނަކީ އެއްވެސް މީހަކު އުޅޭ ތަނެއް ނޫނެވެ. އެ ތަނަކީ ދެ ފަންގިފިލަށް ހުންނަ ތަނެކެވެ.
މި ހާދިސާގައި ލިބުނު ގެއްލުންތަކުގެ ތަފްސީލެއް އަދި ނުލިބެ އެވެ.
