ކޮންގްރެސް ޕާޓީގެ ހދ. އަތޮޅުގެ މާލެ ކެމްޕެއިން ޖަގަހަ ހުޅުވުން
2026-03-07 13:22:11
ހދ. އަތޮޅުގެ މާލެ ކެމްޕެއިން ޖަގަހަ ހުޅުވުމުގެ ހަފްލާ ޝަރަފުވެރިކޮށްދެއްވީ ނައިބް ރައީސް ހުސެއިން މުހައްމަދު ލަތީފް އެވެ. ރޭ ބޭއްވި މި ހަފްލާގައި ޕީއެންސީގެ ބައެއް އިސްވެރިން އަދި ހދ އަތޮޅުގެ ދާއިރާތަކުން ކައުންސިލް އިންތިހާބުގައި ޕީއެންސީން ވާދަކުރާ ކެންޑިޑޭޓުން ބައިވެރިވެވަޑައިގެންނެވި އެވެ. އަންނަ އޭޕްރީލް މަހުގެ ހަތަރުވަނަ ދުވަހު ބޭއްވުމަށް ހަމަޖެހިފައިވާ ކައުންސިލް އިންތިހާބަށް އެންމެ ގިނަ ކެންޑިޑޭޓުން ނެރެނީ ކޮންގްރެސް ޕާޓީންނެވެ. އެ ޕާޓީން ދަނީ މުޅި ރާއްޖޭގައި ހާއްސަކޮށް ވެރިރަށް, މާލޭގައި ވަަރަށް ފުޅާ ދާއިރާއެއްގައި ކެމްޕެއިން ހިންގަމުންނެވެ. ޕީއެންސީގެ ހދ. އަތޮޅުގެ ކެމްޕެއިން ޖަގަހަ މާލޭގައި ހުޅުވަން ބޭއްވި ޖަލްސާގައި ނައިބް ރައީސް ވިދާޅުވީ އިދިކޮޅުގެ ކެމްޕެއިންތަކުގައި ސަރުކާރަށް ކުރި އުނދަގުލަކީ ކޮބާތޯ ސުވާލުކުރަމުން އަންނަ ކަމަށެވެ. އެހެންވެ ހުސެއިން ވަނީ ސަރުކާރުގެ ސިޔާސަތުތަކަށް ތާއީދުކުރޭތޯ އާއި ރައީސް ނިންމަވާ ނިންމެވުންތައް ތަންފީޒުކުރުމަށް ރައްޔިތުންނަށް ހެޔޮ ނަސޭހަތް އިދިކޮޅުންދޭތޯ ސުވާލު އުފައްދަވައިފަ އެވެ.
