ރައީސް ޑރ. މުއިއްޒު އައްޑޫ އަތޮޅަށް ކުރައްވާ ދަތުރުފުޅު
2025-11-06 00:11:25
ރައީސް ޑރ. މުހައްމަދު މުއިއްޒު، އައްޑޫގެ ގުޅިފައިވާ ރަށްތަކަށް ވަޑައިގެންފި އެވެ. އައްޑޫ ސިޓީ ފޭދޫއަށް ރައީސް ވަޑައިގެންނެވުމުން އެ ރަށްރަށުގެ މުއައްސަސާތަކުގެ އިސްވެރިންނާއި އެކި އުމުރުފުރާތަކުގެ މީހުން ވަނީ އެމަނިކުފާނަށް ހޫނު މަރުހަބާއެއް ދަންނަވާފަ އެވެ. ރައީސްއަށް މަރުހަބާ ދެންނެވުމަށް ދިގު ކިއޫއެއް ހަދާފައިއޮތެވެ. ރައީސްގެ މި ދަތުރުފުޅުގައި ފޭދޫގެ ރައްޔިތުންނާ ބައްދަލުކުރައްވައި، އެ ރައްޔިތުންގެ ހާލު ބައްލަވާނެ އެވެ. އަދި ރައްޔިތުން ބޭނުންވާ ކަންކަމުގެ އަޑު އައްސަވައި، އެ ރަށްރަށަށް ކުރައްވާ ތަރައްގީގެ ތަސައްވުރު ރައީސް ހިއްސާކުރައްވާނެ އެވެ.
