ދިވެހި ސިފައިން ހަތިޔާރުތަކާއެކު، ގާބިލްކަން ދައްކާލުން
2025-11-04 00:54:16
މި އަހަރު އަސްކަރިއްޔާއަށް ގެނައި މަނަވަރާއި ގަތް ޓޭންކަރުތައް ނެރެގެން ނަސްރުގެ ދުވަހުގެ މުނާސަބަތުގައި ސިފައިން މާލޭގައި އަސްކަރީ ހަރަކާތެއް ކުރިއަށް ގެންގޮސްފި އެވެ. އެ އަސްކަރީ އުޅަނދުތަކާއި އެ އުޅަނދުތައް ބޭނުންކޮށްގެން އޮޕަރޭޝަންތައް ހިންގުމުގައި ސިފައިން ހޯދާފައިވާ ގާބިލުކަން ދައްކާލީ މުހިއްމު އިމާރާތެއް، ޓެރަރިސްޓުންގެ ބާރުގެ ދަށަށް ގެންގޮސް ބަޔަކު ރަހީނުކުރާ ހާދިސާއެއް ތަމްސީލު ކޮށްގެންނެވެ. އެއްގަމާއި ގޮނޑުދޮށްތަކުގައި ހިންގަން ޖެހިދާނެ އޮޕަރޭޝަނަކަށް މި އުޅަނދުތަކާ އެކު އެހެން އެތައް ވަސީލަތެއް ދީގެން އުފަައްދާފައިވާ ފައުޖަކީ މެރިންކޯ އެވެ. ނަސްރުގެ ދުވަސް ފާހަގަކުރަނީ ދިވެހިންގެ ބަޔަކާއި ލަންކާގެ ހަނގުރާމަވެރި ޖަމާއަތަކާ ގުޅިގެން ދިވެހި ވެރިކަން ބަދަލުކުރުމަށް 3 ނޮވެމްބަރު 1988 ގައި މާލެ އަށް އަރައި، 19 ދިވެހިން ޝަހީދުކޮށްލި އުދުވާނީ ހަމަލާއިން ދިވެހިނަށް ނަސްރު ލިބުމާ ގުޅިގެންނެވެ. އެއަށް ފަހު ކޮންމެ އަހަރެއްގެ ނޮވެމްބަރު 3 ފާހަގަކުރަނީ "ނަސްރުގެ ދުވަސް" ގޮތުގަ އެވެ.
