އޭ ލެވެލްގެ ވަނަތަކަށް އިނާމު ދިނުމަށް ބޭއްވި ޖަލްސާ
2024-09-12 23:56:42
ސާނަވީ އަދި މަތީ ސާނަވީ އިމްތިހާނުތަކުން އެންމެ ރަނގަޅު ނަތީޖާ ހޯދި ދަރިވަރުންނަށްދޭ "މަތީ އަރުތަވެރީންގެ އިނާމު" 441 ދަރިވަރުންނަށް މިއަދު ދިނެވެ. ފަހުރުވެރި ވަނަތައް ހާސިލްކުރި ދަރިވަރުންނަށް އިނާމު ހަވާލުކޮށްދެއްވީ ދައުލަތުގެ ވަޒީރުންނެވެ. އަދި ރާއްޖެއާއި ދުނިޔޭގެ ފެންވަރުގެ ވަނަތައް ހާސިލްކުރި ދަރިވަރުންނަށް އިނާމު ހަވާލުކޮށްދެއްވީ ރައީސް ޑރ. މުހައްމަދު މުއިއްޒެވެ. މަތީ ސާނަވީ އިމްތިހާނު ނުވަތަ އޭލެވެލް ނިންމާ އިމްތިހާނުން ރަނގަޅު ނަތީޖާ ހާސިލްކުރި ދަރިވަރުންގެ ތެރެއިން 18 ދަރިވަރުން ވަނީ ދުނިޔޭގެ އެންމެ މޮޅު ނަތީޖާ ހާސިލްކޮށްފަ އެވެ. އޭލެވެލްއިން ގައުމީ ފެންވަރުގެ އެންމެމަތީ ވަނަ 12 ދަރިވަރުން ހާސިލްކުރިއިރު، އޭލެވެލް ސެޓިފިކެޓް އޮފް އެކްސެލެންސް 27 ދަރިވަރުން ވަނީ ހާސިލްކޮށްފަ އެވެ. ގެ އިތުރުން އޯލެވެލްއިން ދުނިޔޭގެ އެންމެ މޮޅު ނަތީޖާ 25 ދަރިވަރުން ހާސިލްކުރި އެވެ. އަދި އޯލެވެލްއިން ރާއްޖޭގެ އެންމެ މަތީ ވަނަ 23 ދަރިވަރުން ހާސިލްކުރި އެވެ.
