އަސްކަރީ ރަސްމީ އިއްޒަތުގައި ކޯޕްރަލް ޒައިދާން ފަސްދާނުލުން
2024-06-04 00:59:22
ކޯޕްރަލް މުހައްމަދު ޒައިދާނަށް މިޔަރެއްގެ ހަމަލާ އަމާޒުވީ ލ. މާވަށް ކައިރީ މޫދުގައި އަސްކަރީ ތަމްރީނެއް ފުރިހަމަ ކުރަން އުޅެނިކޮށެވެ. ޒަހަމްވުމުން އިތުރު ފަރުވާއަށް ގަން ރީޖަނަލް ހޮސްޕިޓަލަށް ގެންގޮސް ފަރުވާ ދެމުން ދަނިކޮށް ނިޔާވީ ރޭ 8:40 ހާއިރެވެ. އޭނާގެ އުމުރުން 23 އަހަރެވެ. ޒައިދާންގެ ޖަނާޒާ ބާއްވާފައިވަނީ އޭނާގެ އުފަން ރަށުގައި މިއަދުގެ އަސްރު ނަމާދަށް ފަހު އުނގޫފާރު އިސްލާމީ މަރުކަޒުގަ އެވެ. މި ޖަނާޒާއަށް ފަހު ސަންދޯކުގައި އަޅާފައި އޮތް ދިވެހިރާއްޖޭގެ ގައުމީ ދިދަ، ކޯޕްރަލް މުހައްމަދު ޒައިދާންގެ އާއިލާއާ ވަނީ ހަވާލުކުރި އެވެ.
