ސިޓީ އެއްވަނައަށް އަރައިފި
ސްޕޯޓްސް ޓީމް
12 މޭ 2024 - 01:01:05
ފުލަމް ބަލިކޮށް، ޕްރިމިއާ ލީގުގެ ޓޭބަލްގެ އެއްވަނައަށް މެންޗެސްޓަ ސިޓީ އަރައިފިއެވެ.
އިނގިރޭސި ޕްރިމިއާ ލީގުގައި މެންޗެސްޓާ ސިޓީން ހޮނިހިރު ދުވަހު ފުލަމް ބަލިކުރި ހަތަރު ލަނޑު ސުން ލަނޑުގެ ބޮޑު ތަފާތަކުންނެވެ.
މި ނަތީޖާއާއެކު ލީގުގެ އެއް ވަނައިގައި ސިޓީ އޮތީ 36 މެޗުން 85 ޕޮއިންޓާ އެކު އެވެ. ދެ ވަނައިގައި އޮތް އާސެނަލަށް 36 މެޗުން 83 ޕޮއިންޓްއެވެ.
ތިންވަނައިގަ އޮތް ލިވަޕޫލަށް ވަނީ 36 މެޗުން 78 ޕޮއިންޓް ލިބިފަ އެވެ. އަދި ސިޓީގެ މޮޅާއެކު ލިވަޕޫލަށް އޮތް ލީގު ހޯދުމުގެ ހުރިހާ ފުރުސަތެއްގެ ބަންދުވިއެވެ.
ސިޓީން ދެން ބާކީ އޮތް ދެ މެޗުން މޮޅުވެއްޖެނަމަ، ޖެހިޖެހިގެން ހަތަރު ވަނަ ފަހަރަށް ލީގު ޗެމްޕިއަންކަން ލިބޭނެ އެވެ. ސިޓީ އަށް ދެން އޮތީ ޓޮޓެންހަމް ހޮޓްސްޕާސްއާ ކުޅޭ މެޗާއި އަމިއްލަ ދަނޑުގައި ވެސްޓް ހޭމްއާ ބައްދަލުކުރާ މެޗެވެ. ދެވަނައިގަ އޮތް އާސެނަލްއަށް ދެން އޮތީ ޔުނައިޓެޑު މެޗެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް