ލެވަކޫސަން - ރޯމާ މެޗުގެ ތެރެއިން
ޔޫރަޕުގެ ރެކޯޑަކާއެކު ލެވަކޫސަން ޔޫރޮޕާ ލީގުގެ ފައިނަލަށް
ސްޕޯޓްސް ޓީމް
10 މޭ 2024 - 18:08:49
އިޓަލީގެ ރޯމާއާ އެއްވަރުކޮށް، ޔޫރަޕްގެ ފުޓްބޯޅަ ތާރީހުގައި ޖެހިޖެހިގެން އެންމެ ގިނަ މެޗުން ބަލިނުވުމުގެ ރެކޯޑް މުގުރާލައި، ޖަރުމަނުގެ ބަޔާ ލެވަކޫސަނުން ޔޫރޮޕާ ލީގުގެ ފައިނަލުން ޖާގަ ކަށަވަރުކޮށްފިއެވެ.
Advertisement
ރޭ ރޯމާއާ ދެކޮޅަށް ކުޅުނު މެޗުން ލެވަކޫސަން އެއްވަރުވީ ދެ ލަނޑު ދެ ލަނޑުންނެވެ. މި މެޗު ލެވަކޫސަނުން އެއްވަރު ކުރީ، ރޯމާއިން ދެ ލަނޑު ޖަހާފައިވަނިކޮށް ފަހަތުން އަރައި ޖެހި ދެ ލަނޑާއެކުއެވެ.
މި މެޗު އެއްވަރުވުމާއެކު، ބަލިނުވެ 49 މެޗު ހަމަކޮށް ޔޫރަޕުގެ އާ ރެކޯޑެއް ލެވަކޫސަނުން ހެދީއެވެ. މީގެ ކުރިން މިދިޔަ ބައި ގަރުނުވެސް މި ރެކޯޑެއް އެއްވެސް ކްލަބަކަށް ނުހެދެއެވެ. މި ރެކޯޑު މިހާތަނަށް އޮތީ، 1960 ގެ ތެރޭގައި ޕޯޗުގަލްގެ ބެންފީކާއިން ހެދި ގޮތަށެވެ.
ޖަރުމަނުގެ ޗެމްޕިއަންކަންވެސް މި ސީޒަންގައި ހޯދާފައިވާ ލެވަކޫސަން، ޔޫރޮޕާ ލީގުގެ ފައިނަލަށް ދިޔައިރު، ޖަރުމަން ކަޕްގެ ފައިނަލުގައިވެސް އެއް ކޮޅުން އެ ޓީމުން ކުޅޭނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
