ލޮލަށް އުނދަގޫތަކެއްވާ އެބަލި މަފާޒަށް ޖެހިފައިވަނީ މަފާޒުގެ އުމުރުން އެއް އަހަރުގައި ކަމަށާއި، މަފާޒު ގޮވައިގެން އިންޑިޔާ އަށް މިހާރު 27 ފަހަރު ދެވިއްޖެ ކަމަށް މައުސޫމް ބުންޏެވެ.
ގއ. ކަނޑުހުޅުދޫ ހަދުވަރުދޭގެ މައުސޫމް ހަސަން ''ސީއެންއެމް'' އަށް އޭނާގެ ދޮށީ ދަރިފުޅަށް ދިމާވެފައިވާ ބަލީގެ ވާހަކަ ދައްކަމުން ބުނީ ކުއްޖާ ފުރަތަމަ އެބައްޔަަށް ޕޮޒިޓިވް ވެފައިވާކަން އެނގުނީ، މަފާޒްގެ ސްކިން މައްސަލައެއް ފާހަގަ ކުރެވިގެން ގދ. ތިނަދޫގައި ހުންނަ ޑރ. އަބަދުއްސަމަދު މެމޯރިއަލް ހޮސްޕިޓަލަށް ގޮސް ދެއްކުމުން ކަމަށާއި، އެހާ ހިސާބުން ކުއްޖާ ގޮވައިގެން މާލެ ބަދަލުވީ ކަމަށެވެ.
ސަބަބަކީ ކުއްޖާ އަަބަދު ޑޮކްޓަރަށްދައްކަން މާލޭގައި އަންނަން ޖެހުމާއި، އެހެނިހެން ކަންކަމުގައި ކަމަށެވެ. ފުރަތަމަ ޑޮކްޓަރުން ބުނީ އެލާޖިކެއް ކަމަށެވެ. އެގޮތުން ބޭސް ދިނީ އެލާޖިކަކަށް ދޭ ބޭސްތަކެއް ކަމަށް މައުސޫމް ބުންޏެވެ.
މުހައްމަދު މަފާޒުގެ ހޮސްޕިޓަލެއްގައި އެޑްމިޓް ކޮށްފައި....
މަފާޒަށް ނުވަ އަހަރު ވަންދެން ޖުމްލަ ލޮލުގެ 7 ސާޖަރީއެއް ހަދާފައިވާ ކަމަށާއި، ނަމަވެސް ބައްޔަށް މާބޮޑު ކުރިއެރުމެއް ލިބިފައި ނުވާ ކަމަށެވެ. ޑޮކްޓަރުންގެ ވިދާޅުވަމުން ދިޔައީ ކުއްޖާއަށް ޖެހިފައިވާ ބައްޔަކީ ވަރަށް މަދުންފެނަ ބައްޔެއް ކަމަށެވެ. އެއ
ނަމަވެސް ލިބޭ މުސާރައިން މާލޭގެ ތަނެއް ކުއްޔަށް ހިފައިގެން އުޅުމުން ތަނުގެ ކުލި ދީފައިި ދަރިފުޅު ގޮވައިގެން ބޭރަށް ގޮސް ތިބުމުގައި ދަތި ތަކެއް ކުރުމަތިވާތީ ލޯނުވެސް ނާގަފައިވާ ކަމަށް މައުސޫމް ބުންޏެވެ. ނަމަވެސް ބޭނުންވަނީ ކޮންމެ ހާލެއްގައި އުޅެގެންވެސް ކުއްޖާ އަށް ރަނގަޅު ފަރުވާއެއް ލިބުން ކަމަށް މައުސޫމް ކިޔައިދިނެވެ.
މައުސޫމުގެ ތިން ދަރިން އެބަތިއްބެވެ. މާލޭގައި އުޅެނީ ކުއްޔަށް ތަނެއް ހިފައިގެންނެވެ. ހުރިހާ ހަރަދެއް ކޮށްފަ ދަރިފުޅު ގޮވައިގެން ބޭރަށްދާން ރައްކާކުރާނެ ފައިސާ އެއް އޭނާ އަތަކު ނުހުރެއެވެ.
ނަމަވެސް ދަރިފުޅަށްޓަކާއި އެކުއްޖާގެ ލޮލުގެ ވޭނުން ސަލާމަތް ކުރުމަށް ބޭނުން ވެއެވެ. މައުސޫމަށް މިއަދު މަޖުބޫރުވަނީ މީހުންގެ އެހީތެރި ކަމާއި އެކުވެސް ފަރުވާއަށް ބޭނުންވާ އެހީތެރިކަމެވެ.
މައުސޫމް ބުނީ މަފާޒުގެ ބައްޔަށް އާސަންދަ ލިބޭ ކަމަށާއި، ނަމަވެސް އިންޑިޔާ އަށް ދާ ކޮންމެ ފަހަރެއްގައި ވެސް ގިނަ ޑޮކޓަރުންނަށް ވެސް ދައްކަން ޖެހޭ ކަމަށެވެ. އެއީ ކުއްޖާގެ ބަލީގެ ހާލަތުން ކަމަށާއި، އެގޮތުން ހޯމޯންސް އަށާއި، އެތެރެހަށީގެ އިތުރުންވެސް ބައެއް ޑޮކްޓަރުން ނަށް ދެއްކަންވެސް ޖެހޭ ކަމަށެވެ.
މަފާޒަކީ ކިޔަވަން މޮޅު ކުއްޖެކެވެ. ނަމަވެސް އެކުއްޖާ އަށް މިއަދު ޖެހިފައިވަނީ ސުކޫލަށް ނުދެވި ގޭގައި އޮންނާށެވެ. އެކަމުން އަރައިގަނެވޭނީ މަފާޒުގެ ލޮލަށް ފަރުވާ އެއް ލިބިގެންނެވެ.
އިންޑިޔާގައިި އެކަމަށް ހާއްސަ ހޮސްޕީޓަލު ތަކުންވެސް އެތައްފަހަރު ޑޮކްރަށް ދެއްކުނު ކަމަށާއި، އިންޑިޔާގެ އަގަރުވާލާ ހޮސްޕިޓަލާއި، އަރަވިންދު ހޮސްޕިޓަލަށާއި، ޓައިޓޭނިކް އަށްވެސް ދެއްކުނު ކަމަށެވެ. ނަމަވެސް އެ ހޮސްޕިޓަލުތަކުންވެސް އަންގާފައިވަނީ ދެން މަފާޒަށް ފަރުވާ އެއްދެވޭނީ އުމުރުން 20 އަހަރާއި 25 އަހަރާއި ދެމެދުގައި ކަމަށެވެ.
އެހެންނަމަވެސް މަފާޒުގެ ލޮލުން ފެން އައުމާއި ކުއްޖާގެ ލޮލަށް އަޅާ ވޭނަކީ 20 އަހަރު ފުރެންދެން ކެތްވާނެ ދުވަސްތަކެއް ނޫން ކަމަށް މައުސޫމް ބުންޏެވެ. ކުއްޖާ އަށް އަޅާވޭން އިހުސާސްވާ ކަމަށާއި، 20 އަހަރުފުރެންދެން އެއީ ވަރަށް ގިނަ ދުވަސް ކަމަށްވެސް މައުސޫމް ބުންޏެވެ. އަދި އެދުވަސްތަކަށްވެސް ވަކި ފަރުވާ އެއް ލިބޭނެ ކަމަށް ޑޮކްޓަރުން ލަފާދެއްވާފަ ނުވާ ކަމަށެވެ. މަފާޒަށް ބޭނުންވަނީ ވިހާވެސް އަވަސްފަރުވާ އެއް ކަމަށް މައުސޫމް ބުންޏެވެ.
މަފާޒްގެ ބޭސްފަރުވާގެ ލިޔެކިޔުންތައް
އޭނާގެ ބައްޕަ ބުނީ ތައިލެންޑަށް މަފާޒު ގޮވައިގެން ދެވިއްޖެ ނަމަ ފަރުވާ އަވަސްވެ މިއަށްވުރެ ލިބޭ ވޭން ކުއްޖާ އަށް ކުޑަވެގެންދާނެ ކަމަށެވެ. އެގޮތުން މަފާޒު ގޮވައިގެން ދާން ގަސްތު ކޮށްފައިވަނީ ތައިލެންޑުގެ 'ބުމުރުންގާޑް' ހޮސްޕިޓަލަށް ކަމަށެވެ.
މައުސޫމް ބުނީ އެއީ އެބައްޔައްޔަށް ފަރުވާ ލިބޭނެ ކަން އެގިފައިވާ ހޮސްޕިޓަލެއް ކަމަށެވެ.
ތައިލެންޑުގެ'ބުމްރަންގްރާޑް ހޮސްޕިޓަލުގެ ވެބަސައިޓުން ނަގާފައިވާ ފޮޓޯއެއް ......
'ބުމްރަންގްރާޑް'ގެ ކޯނިއާ ޓްރާންސްޕްލާންޓް ސެންޓަރަކީ ތައިލޭންޑްގައި އެބައްޔަށް ފުޅާ ދާއިރާއެއްގައި ފަރުވާ އާއި ހިދުމަތް ފޯރުކޮށްދޭ ފުރަތަމަ ޕްރައިވެޓް ހޮސްޕިޓަލެވެ. އެ ސެންޓަރުގައި ކޯނިއަލް ޓްރާންސްޕްލާންޓްގެ އެޑްވާންސް ތަޖުރިބާ ލިބިފައިވާ ތަޖުރިބާކާރު ލޮލުގެ ޑޮކްޓަރުންގެ ޓީމެއް ހިމެނެއެވެ.
އެ ސެންޓަރުގައި ބަލިޖެހިފައިވާ ޕޭޝަންޓުން ދެނެގަތުމާއި، ފަރުވާ ދިނުމާއި ފޮލޯއަޕް މަރުހަލާގައި ޒަމާނީ މެޑިކަލް ޓެކްނޮލޮޖީ އާއި އާލާތްތައް ހިމެނެއެވެ.
އެ ބަލީގެ ފަރުވާއަށް ތައިލެންޑުގެ ބުމަރަންގާޑު ހޮސްޕިޓަލުން ނަގާނެ ކަމަށް ލަފާ ކުރެވޭ އަދަދަކީ 33000 ޑޮލަރެވެ. އެއީ ދިވެހި ރުފިޔާއިން ފަސްލައްކަ ފަސްދޮޅަސް ހާސް ފައްސަތޭކަ ފަންސާސް ރުފިޔާއެވެ.
އަދި ތައިލެންޑް ފަދަ ދުރުގައުމަކަށް ދިއުމުގައި ބޮޑު ހަރަދެއް ހޭދަވާނެ ކަމަށާއި، އަދި ފަރުވާ އަށް ގޮސް ތިބުމުގައި ހޭދަވާނީ ކިތައް ދުވަސް ކަމެއް ނޭނގޭ ކަމަށެވެ. މައުސޫމް އެދެނީ މަފާޒަށް ލޮލުގެ އަލިކަމެއް ލިބޭނެ ގޮތެކެވެ. އެހެންކަމުން ތި އެންމެންގެ ދީލަތި އެހީތެރިކަމަށް މައުސޫމް މިއަދުވަނީ ބޭނުންވެފައެވެ.
ގުޅޭނެ ނަމްބަރު: 7798697 (މައުސޫމް ހަސަން)
އެކައުންޓް ނަމްބަރު: ބީއެމްއެލް ދިވެހި ( މައުސޫމް ހަސަން ) 7712216293101
އެކައުންޓް ނަމްބަރު: ބީއެމްއެލް ދިވެހި (މައުސޫމް ހަސަން )7730000435922
ސީއެންއެމް އެހީ މި ސެގްމަންޓްގެ ދަށުން ގެނެސްދޭ ފަރާތްތަކަށް އެހީތެރިވުމަށް އެދޭ ފަރާތްތަކުން އެ އާއިލާއާ ގުޅައިގެން އެހީގެ ކަންކަން ކުރިއަށް ގެންދިއުން އެދެމެވެ
